Soltústik Qazaqstan oblysyndaǵy Aiyrtaý aýdanynda 48 ga astam ormandy alqap joiylyp, jer qalaiy kenin igeretin kompaniiaǵa berilmek, dep habarlaidy QazAqparat.
Soltústik Qazaqstan oblystyq ákimdiginiń málimetinshe, «Tin One Mining» AQ quramynda qalaiy bar ken ornyn igerýge quqyǵy bar otandyq investor. Kompaniia jumys istep jatqan Aiyrtaý aýdanyndaǵy «Syrymbet» ken orny Imantaý-Shalqar kýrorttyq aimaǵyna kirmeidi. Ol Syrymbet aýylynan 15 shaqyrym, Saýmalkólden 25 shaqyrym jerde ornalasqan. Ken orny aýmaǵynyń shamamen 48,5 ga jerin ormandy alqap alyp jatyr. Munda 3 myń tekshe metr aǵash bar. Basym bóligi - qaiyń.
«Salystyrý úshin aitsaq, SQO-da jylyna 350 myń tekshe metr qaiyń otyn úshin daiyndalady. Al orman qorynyń jerin «Tin One Mining» AQ berý kompaniiany orman sharýashylyǵy óndirisiniń shyǵyndaryn óteý boiynsha biýdjetke tólemder jasaýdan basqa, joiylatyn ýchaske aýdanynan eki ese mólsherde, iaǵni 97 gektar alqapqa aǵash otyrǵyzýdy mindetteidi», - deidi SQO kásipkerlik jáne indýstriialyq-innovatsiialyq damý basqarmasy basshysynyń orynbasary Nurjan Sadyqov.
Taý-ken metallýrgiia kombinatyn salý nátijesinde qalaiy óndirilip qana qoimai, tereń óńdeletin de bolady. Iaǵni kásiporyn ónim shyǵarý boiynsha tolyq tsikldy qamtidy. Jylyna orta eseppen 2,5 mln tonna ken óndirilmek. Jobany júzege asyrý nátijesinde Qazaqstan álemdegi eń iri qalaiy óndirýshilerdiń ondyǵyna kirýge múmkindik alady.
«Syrymbet» ken ornyna jumsalatyn investitsiialardyń jalpy kólemi - 130 mlrd teńgeden astam. Bul - oblys jáne jalpy elimizdiń ekonomikasyna quiylatyn jeke investitsiialar. Negizinen jergilikti turǵyndardy tartý esebinen 600 jańa jumys ornyn qurý josparlanǵan. Jyl saiyn shamamen 5 mlrd teńgege jýyq salyq aýdarymdary jasalmaq. Bul qarajat óńirdiń áleýmettik-ekonomikalyq damýyna baǵyttalady», - deidi Nurjan Sadyqov.
Joba iske asyryla bastaǵaly 18 mlrd teńgeden astam investitsiia quiylyp, 500 mln teńgeden astam salyq aýdarymdary jasalǵan.
