Soltústik Qazaqstan oblysyndaǵy qylmystyq ister boiynsha mamandandyrylǵan aýdanaralyq sotta bir otbasynyń úsh múshesin pyshaqtaǵan er adamǵa qatysty sot otyrysy bastaldy, dep habarlaidy "Ult aqparat".
Úsh týysyn pyshaqtaǵan Bekbolat Ǵabdýllinge «Óltirý» jáne «Ómirge qastandyq jasaý» baptary boiynsha aiyp taǵylǵan.
Qaiǵyly jaǵdai biyl naýryz aiynda Petropavlda bolǵan edi. Týystaryna kelgen 30 jastaǵy Almaty turǵyny Bekbolat Ǵabdýllin araqtyń býyna elitip, otbasynyń úsh múshesin pyshaqtap tastady. Úsheýi de aýrýhanaǵa jetkizilgenimen, dárigerler ekeýiniń ómirine arasha túse almady.
48 jastaǵy áiel ota jasaý barysynda qaitys boldy. 89 jastaǵy keiýana da aýrýhanada tilge kelmesten kóz jumdy. Onyń 28 jastaǵy nemeresi, qaitys bolǵan áieldiń balasy túrli pyshaq jaraqatyn aldy.
Úide sol kúni jigittiń áieli men qaryndasy bolǵan. Olar aman qaldy.
