Soltústik Qazaqstan oblysynda 2,3 mln sharshy metr nemese 21,7 myń páter salynady. Bul týraly Úkimet otyrysynda SQO-nyń 2021-2025 jyldarǵa arnalǵan áleýmettik-ekonomikalyq damýynyń keshendi josparyn tanystyrý kezinde QR Ulttyq ekonomika ministri Áset Erǵaliev málim etti, dep habarlaidy QazAqparat.
«Halyqtyń ómir súrý sapasyn arttyrý jáne jaǵdailaryn jaqsartý maqsatynda turǵyn úi, injenerlik-kommýnikatsiialyq ári tsifrlyq infraqurylymdy damytý jónindegi jobalar iske asyrylatyn bolady. «Aýyl - El besigi» jobasy aiasynda 307 tirek jáne spýtniktik aýyldarda jańa óńirlik standarttarǵa sáikes joldar, aýrýhanalar, dárigerlik ambýlatoriialar, mektepter, balabaqshalar, mádeniet úileri jáne basqa da nysandar salynyp, jóndeletin bolady», - dedi ministr.
Onyń aitýynsha, qalalar men aýyldarda 412 shaqyrym sýmen jabdyqtaý jáne sý burý júielerin rekonstrýktsiialaý júzege asyrylady. Bul rette 100% aýyz sýmen qamtamasyz etýge múmkindik beredi.
«Sondai-aq, 2,3 mln sharshy metr nemese 21,7 myń páter salý jáne paidalanýǵa berý josparlanyp otyr. Óńirdiń barlyq qalalary, tirek jáne spýtniktik aýyldary keńjolaqty internetke qoljetimdilikpen qamtamasyz etiledi. Shamamen 2 100 shaqyrym joldy jóndeý jáne rekonstrýktsiialaý júrgiziletin bolady, bul 2025 jylǵa qarai jaqsy jáne qanaǵattanarlyq jaǵdaidaǵy joldardyń úlesin 98 paiyzǵa deiin jetkizýge múmkindik beredi», - dedi Á. Erǵaliev.
Budan buryn habarlanǵandai, búgin Úkimet otyrysynda QR Ulttyq ekonomika ministri Áset Erǵaliev Soltústik Qazaqstan oblysynyń 2021-2025 jyldarǵa arnalǵan áleýmettik-ekonomikalyq damýynyń keshendi josparyn tanystyrdy. Jospardy iske asyrýdyń jalpy somasy 1,8 trln teńge.
