Foto: pkzsk.info
Soltústik Qazaqstan oblysynyń ákimi Aidarbek Saparov kúnine qalai 90 myń teńge tabýǵa bolatynyn aitty, - dep habarlaidy Tengrinews.kz saity Petropavlovsk.news basylymyna silteme jasap.
Saparovtyń aitýynsha, qazir oblysta dánekerleýshiler men metall jonýshylar jetispeidi. Aimaq basshysy osy mamandyqtardy oqytatyn qysqa merzimdi kýrstar uiymdastyryp, birinshi jartyjyldyqta jumys kúshi tapshylyǵy máselesin jabýdy tapsyrǵan.
"Bizde qurylys salasynda tas qalaýshylar jetispeidi. Bul mamandyqty eki aidyń ishinde igerip shyǵýǵa bolady. Bir sharshy metr kirpish qalaý aqysy 18 myń teńge turady. Adam bes sharshy metr jerge qalap, kúnine 90 myń tabýyna bolady. Al bizde adamdar jetispeidi. Bul jumysty birlesip atqarý kerek", - deidi SQO ákimi.
Sondai-aq oblys basshysy soltústik qazaqstandyqtar arasynda aqparattyq jumysty sapaly júrgizýdi tapsyrǵan. Oblys turǵyndary qandai mamandyqtar suranysqa ie ekenin bilip, jaqsy jalaqy alýlary qajet.
Qazirgi ýaqytta Soltústik Qazaqstan halqynyń alty paiyzǵa jýyǵy kúnkóris deńgeiinen tómen jalaqy alady. Ásirese aýyldarda jumyssyzdyq joǵary deńgeige jetken. Jumyssyzdardyń basym bóligi Maǵjan Jumabaev, Ǵabit Músirepov atyndaǵy, Esil jáne Aqqaiyń aýdandarynda tirkelgen.
