SQO ákimdiginiń otyrysynda óńir basshysy Qumar Aqsaqalov Petropavlda ótken óńiraralyq forýmǵa qorytyndy jasady.
Forýmǵa eki eldiń 38 óńirinen 800 resmi delegat keldi. Týrizm taqyrybyna arnalǵan kórmeni 10 myńnan asa adam kórdi. Forým aiasynda 30 kelisimge qol qoiyldy.
Petropavl qalasynda qurylys jáne abattandyrý jumystary qyzý júrgizildi. Jańa qos yqsham aýdan boi kóterdi. Turǵyndar demalatyn saiabaqtar ashyldy. Jańa meiramhanalar men qonaq úiler salynyp, jańartyldy. Forým jańa oqýshylar saraiy men tennis ortalyǵynda ótti. Oblys ákimi atqarylǵan aýqymdy jumystardyń qarqyny báseńdemeidi dep atap ótti.
«Qalamyz kórkeiip qaldy. Buny turǵyndar men qonaqtar aityp otyr. Qarqyndy báseńdetpeimiz. Forýmnan keiin qurylys jáne abattandyrý jumystary toqtap qalady degendi estip júrmiz. Bul qate pikir. Osy atqarǵan jumystardy kelesi jyly eki eseleýimiz kerek. Elbasy atqarǵan jumysqa oń baǵasyn berip, osy baǵyttan qaitpaýǵa tapsyrma berdi. Biýdjette tiisti qarjy qarastyrylǵan», — dedi Qumar Aqsaqalov.
