Roman Skliar iri nemis kompaniialarynyń basshylarymen onlain-kezdesý ótkizdi. Is-shara jer qoinaýyn paidalaný jáne geologiia salasyndaǵy Qazaqstan-Germaniia yntymaqtastyǵyn tereńdetýge arnalǵan, dep habarlaidy primeminister.kz saity.
Onlain-kezdesýge Germaniianyń 100-den astam jetekshi kompaniialarynyń basshylary men ókilderi qatysty, olardyń ishinde Volkswagen, Siemens, Linde, Schaeffler, Knauf, Lufthansa, SMS group, DMT jáne t. b. bar.
Premer-Ministrdiń orynbasary Roman Skliar óz sózinde Germaniiadan kelgen áriptesterdi básekege qabilettilikti arttyrý, investorlarǵa naryqtyq jaǵdai jasaý, salanyń kásibi jáne tehnologiialyq deńgeiin arttyrý maqsatynda Qazaqstan Úkimetiniń geologiia jáne jer qoinaýyn paidalaný salasyndaǵy reformalary týraly habarlady.
Skliar daǵdarystan keiingi damý jaǵdaiynda ekonomikany ártaraptandyrý jáne jańa indýstriialyq óndiristerdi qurý máselelerine erekshe nazar aýdarylatynyn atap ótti.
Bul baǵyttaǵy belsendi jumys 2012 jylǵy 8 aqpanda QR Tuńǵysh Prezidenti N. Á. Nazarbaevtyń GFR-ǵa sapary aiasynda qol qoiylǵan «Qazaqstan men Germaniia arasyndaǵy shikizat, ónerkásip jáne tehnologiialyq salalardaǵy áriptestik týraly» úkimetaralyq kelisim sheńberinde júrgizilýde.
