Máskeýde QR Premer-Ministriniń orynbasary Roman Skliar Resei Federatsiiasy Úkimeti Tóraǵasynyń orynbasary Iýrii Borisovpen kelissóz júrgizdi, dep habarlaidy primeminister.kz saity.
Qazaqstan Premer-Ministri Asqar Maminniń 22 naýryzda ótken Resei Úkimetiniń Tóraǵasy Mihail Mishýstinmen kezdesýiniń qorytyndysy boiynsha ýaǵdalastyqtardy damytý aiasynda vitse-premerler Qazaqstan-Resei ónerkásiptik kooperatsiiasy salasyndaǵy birlesken is-qimyl baǵdarlamasy sheńberindegi ekijaqty yntymaqtastyqtyń ózekti máselelerin qarastyrdy.
Taraptar buryn kelisilgen birlesken jobalardy iske asyrýdy jedeldetý jónindegi aǵymdaǵy jaǵdai men budan keiingi qadamdardy talqylady. Sondai-aq, Qazaqstandaǵy ónerkásiptik kooperatsiianyń jańa perspektivalyq jobalaryn zerdeleý arqyly investitsiialyq yntymaqtastyqty keńeitý máseleleri talqylandy.
Budan arǵy birlesken jumys perspektivalary týraly aita otyryp, ózara tiimdi ekonomikalyq yntymaqtastyq qaǵidattaryna, ónerkásip, saýda-ekonomikalyq, investitsiialyq salalarda neǵurlym tyǵyz ózara is-qimyl jasaý úshin qosymsha múmkindikter jasaý boiynsha birlesken sharalardy iske asyrýǵa ózara beiildilik bildirildi.
Kezdesýge qatysýshylar Qazaqstan men Resei arasyndaǵy úkimetaralyq dialogtyń tiimdiligi men qajettiligin atap ótip, ózara bailanystardyń joǵary qarqynyn saqtaýǵa kelisti.
