مەسكەۋدە قر پرەمەر-مينيسترٸنٸڭ ورىنباسارى رومان سكليار رەسەي فەدەراتسيياسى ٷكٸمەتٸ تٶراعاسىنىڭ ورىنباسارى يۋريي بوريسوۆپەن كەلٸسسٶز جٷرگٸزدٸ, دەپ حابارلايدى primeminister.kz سايتى.
قازاقستان پرەمەر-مينيسترٸ اسقار ماميننٸڭ 22 ناۋرىزدا ٶتكەن رەسەي ٷكٸمەتٸنٸڭ تٶراعاسى ميحايل ميشۋستينمەن كەزدەسۋٸنٸڭ قورىتىندىسى بويىنشا ۋاعدالاستىقتاردى دامىتۋ اياسىندا ۆيتسە-پرەمەرلەر قازاقستان-رەسەي ٶنەركەسٸپتٸك كووپەراتسيياسى سالاسىنداعى بٸرلەسكەن ٸس-قيمىل باعدارلاماسى شەڭبەرٸندەگٸ ەكٸجاقتى ىنتىماقتاستىقتىڭ ٶزەكتٸ مەسەلەلەرٸن قاراستىردى.
تاراپتار بۇرىن كەلٸسٸلگەن بٸرلەسكەن جوبالاردى ٸسكە اسىرۋدى جەدەلدەتۋ جٶنٸندەگٸ اعىمداعى جاعداي مەن بۇدان كەيٸنگٸ قادامداردى تالقىلادى. سونداي-اق, قازاقستانداعى ٶنەركەسٸپتٸك كووپەراتسييانىڭ جاڭا پەرسپەكتيۆالىق جوبالارىن زەردەلەۋ ارقىلى ينۆەستيتسييالىق ىنتىماقتاستىقتى كەڭەيتۋ مەسەلەلەرٸ تالقىلاندى.
بۇدان ارعى بٸرلەسكەن جۇمىس پەرسپەكتيۆالارى تۋرالى ايتا وتىرىپ, ٶزارا تيٸمدٸ ەكونوميكالىق ىنتىماقتاستىق قاعيداتتارىنا, ٶنەركەسٸپ, ساۋدا-ەكونوميكالىق, ينۆەستيتسييالىق سالالاردا نەعۇرلىم تىعىز ٶزارا ٸس-قيمىل جاساۋ ٷشٸن قوسىمشا مٷمكٸندٸكتەر جاساۋ بويىنشا بٸرلەسكەن شارالاردى ٸسكە اسىرۋعا ٶزارا بەيٸلدٸلٸك بٸلدٸرٸلدٸ.
كەزدەسۋگە قاتىسۋشىلار قازاقستان مەن رەسەي اراسىنداعى ٷكٸمەتارالىق ديالوگتىڭ تيٸمدٸلٸگٸ مەن قاجەتتٸلٸگٸن اتاپ ٶتٸپ, ٶزارا بايلانىستاردىڭ جوعارى قارقىنىن ساقتاۋعا كەلٸستٸ.
