QR Premer-Ministriniń orynbasary Roman Skliar Parijde ótken investitsiialyq forýmǵa qatysty, dep habarlaidy "Ult aqparat" primeminister.kz saityna silteme jasap.
«Frantsiianyń iskerlik ortalarynyń 150-den astam ókili qatysqan mańyzdy halyqaralyq is-sharanyń barysynda Qazaqstan-Frantsiia seriktestigin memlekettik deńgeide ǵana emes, eki eldiń iskerlik ortalary men azamattarynyń yntymaqtastyǵyn keńeitý áleýeti talqylandy. Forýmǵa qatysýshylar Qazaqstannyń investitsiialyq múmkindikterin, birlesken jobalardy iske asyrý perspektivalaryn talqylap, elimizdiń investitsiialyq ahýalyna baǵa berdi», - delingen habarlamada.
Premer-Ministrdiń orynbasary atap ótkendei, qazirgi tańda Qazaqstan-Frantsiia qatynastaryn «strategiialyq seriktestik» retinde sipattaýǵa bolady. Ol dostyq pen ózara qoldaý dástúrlerine súiengen tiimdi jáne ózara tolyqtyratyn yntymaqtastyqtyń úlgisi. Máselen, búgingi kúnde keń sharttyq-quqyqtyq baza qurylǵan, onda 2008 jyly qol qoiylǵan Strategiialyq seriktestik týraly shart erekshe oryn alady.
Budan ózge, Qazaqstan frantsýz biznesi úshin Ortalyq Aziia óńirindegi senimdi seriktes bolyp tabylady. Qazaqstan Eýropa elderiniń óńirdegi ekonomikalyq múddeleriniń taratýshysy bola alady. Mashina jasaý, jer qoinaýyn paidalaný, munai óńdeý, energiia únemdeý, kóliktik-logistikalyq infraqurylymdy damytý, farmatsevtika jáne basqa da salalarda ózara tiimdi yntymaqtastyqtyń dástúrli tájiribesi qalyptasty.
Forýmǵa qatysýshylar atap ótkendei, frantsýz kompaniialary Qazaqstanǵa kapital salý máselesine joǵary qyzyǵýshylyq tanytýda. Bul – Eýraziia kontinenti elderin bailanystyratyn strategiialyq dáliz. Frantsýz iskerlik ortalarynyń ókilderi bergen baǵaǵa sáikes, Qazaqstan Frantsiianyń Ortalyq Aziiadaǵy senimdi seriktesi, eki el arasynda ózara tiimdi yntymaqtastyq tájiribesi qalyptasqan.
Investitsiialyq forým barysynda AirLiquideKarabatanTechGases jáne KazakhstanPetrochemicalIndustries (KPI) arasynda tehnikalyq gazdy jetkizýge uzaq merzimdi kelisimshartqa qol qoiyldy. Kelisimshart «Ulttyq indýstriialyq munai-himiia tehnoparki» AEA aýmaǵynda qurǵaq syǵylǵan aýa men azotty óndiretin qondyrǵynyń qurylysyn jáne ony Biriktirilgen gaz-himiialyq keshenge jetkizýdi kózdeidi. Osyndai qujatqa qol qoiý, «QazMunaiGaz» UK» AQ qazaqstandyq munai kompaniiasymen birlesken kásiporyn sheńberinde AirLiquide kompaniiasynyń Qazaqstandaǵy qyzmetin damytýda kezekti qadam boldy.
Sondai-aq, forým sheńberinde energetika, mal sharýashylyǵy, mineraldardy óndirý, munai-gaz ónerkásibi, óndiristerdi tsifrlandyrý men avtomattandyrý salalaryn qamtityn kompaniialarmen 10-ǵa jýyq ekijaqty kezdesý ótkizildi. Onyń ishinde: IDEMIA, AIRBUS GROUP, CNCR Group, ORANO MINING, BureauVeritas, IFP EnergiesNouvelles jáne taǵy basqalary bar.
Búgin Frantsiia Qazaqstannyń negizgi saýda-investitsiialyq seriktesteriniń bestigine kiredi. Osy jyldary ózara taýar ainalymy $50 mlrd deiin jetti. Sonymen qatar, ýran, munai-gaz, titan ónerkásibinde, kóliktik mashina jasaý, qurylys materialdaryn, azyq-túlik ónimin óndirý jáne basqa da salalarda birqatar iri birlesken investitsiialyq jobalar iske asyryldy, bul sońǵy 14 jylda $15,6 mlrd kóleminde frantsýz investitsiialaryn tartýǵa múmkindik berdi. Qazaqstanda frantsýz kapitalynyń qatysýymen barlyǵy 130-dan astam kompaniia jumys jasaidy.
Osyndai jaqsy nátijelerge qaramastan, ekonomikalyq saladaǵy ekijaqty seriktestikti keńeitip tereńdetý úshin aitarlyqtai áleýet bar, ásirese Qazaqstan men Frantsiia Prezidentteri aiqyndaǵan úsh basym sektorda: balamaly energetika, aýyl sharýashylyǵy jáne tsifrlandyrý.
Roman Skliar sózin qorytyndylai kele búgingi Qazaqstan — bul biznesti tiimdi júrgizý úshin jańa múmkindikter men zor áleýet ekenin atap ótti. Bizdiń el investitsiialyq ahýaldy jaqsartýǵa baǵyttalǵan dáiekti túrde reformalar júrgizýde, kásipkerlermen ashyq dialog qamtamasyz etýde jáne investitsiialardy tartý úshin infraqurylymdy jetildirýde. Budan ózge, Qazaqstan biznes júrgizý úshin eń jaqsy sharttar usynady jáne saýda-sattyq jasap, joǵarǵy qosylǵan qunymen eksportqa baǵyttalǵan, básekege qabiletti óndiristerdi qurýǵa investitsiia salýǵa daiyn frantsýz seriktesterin tartýǵa múddeli.
