Foto: Tengrinews.kz
Premer-ministrdiń birinshi orynbasary Roman Skliar depýtattardyń Astana ataýyn elordaǵa qaitarý týraly usynysyna qatysty pikir bildirdi, - dep habarlaidy Tengrinews.kz agenttigi.
"Elordanyń atyn ózgertý týraly ideia qoǵamda kópten beri talqylanyp keledi. Árine, bul nazar aýdarýǵa turarlyq. Ony "Jańa Qazaqstan" depýtattyq toby qaraýǵa usyndy. Meniń oiymsha, qoǵamda talqylanǵan másele Parlamentte qaralady dep oilaimyn", - dedi Roman Skliar úkimet otyrysynda.
Ol qoǵamnyń buǵan qalai qaraitynyn baqylaý úshin sál kútýdi ótindi.
Osy máselege qatysty óziniń jeke pikiri týraly suraqqa jaýap bergen vitse-premer onyń qyzmetiniń baǵyty sál basqasha ekenin atap ótti.
"Árine men de Qazaqstan Respýblikasynyń azamatymyn. Meniń óz pikirim bar, biraq memlekettik qyzmetker retinde... Al endi men sizge memlekettik qyzmetker retinde emes, Qazaqstan azamaty retinde jaýap berer bolsam...... Bul suraqqa bir kezderi men de jaýap berermin. Kúte turaiyq. Bul másele keshe ǵana kóterildi, oilanyp, sheshim qabyldaýǵa biraz ýaqyt kerek", - dep qosty Skliar.
