فوتو: Tengrinews.kz
پرەمەر-مينيستردٸڭ بٸرٸنشٸ ورىنباسارى رومان سكليار دەپۋتاتتاردىڭ استانا اتاۋىن ەلورداعا قايتارۋ تۋرالى ۇسىنىسىنا قاتىستى پٸكٸر بٸلدٸردٸ, - دەپ حابارلايدى Tengrinews.kz اگەنتتٸگٸ.
"ەلوردانىڭ اتىن ٶزگەرتۋ تۋرالى يدەيا قوعامدا كٶپتەن بەرٸ تالقىلانىپ كەلەدٸ. ەرينە, بۇل نازار اۋدارۋعا تۇرارلىق. ونى "جاڭا قازاقستان" دەپۋتاتتىق توبى قاراۋعا ۇسىندى. مەنٸڭ ويىمشا, قوعامدا تالقىلانعان مەسەلە پارلامەنتتە قارالادى دەپ ويلايمىن", - دەدٸ رومان سكليار ٷكٸمەت وتىرىسىندا.
ول قوعامنىڭ بۇعان قالاي قارايتىنىن باقىلاۋ ٷشٸن سەل كٷتۋدٸ ٶتٸندٸ.
وسى مەسەلەگە قاتىستى ٶزٸنٸڭ جەكە پٸكٸرٸ تۋرالى سۇراققا جاۋاپ بەرگەن ۆيتسە-پرەمەر ونىڭ قىزمەتٸنٸڭ باعىتى سەل باسقاشا ەكەنٸن اتاپ ٶتتٸ.
"ەرينە مەن دە قازاقستان رەسپۋبليكاسىنىڭ ازاماتىمىن. مەنٸڭ ٶز پٸكٸرٸم بار, بٸراق مەملەكەتتٸك قىزمەتكەر رەتٸندە... ال ەندٸ مەن سٸزگە مەملەكەتتٸك قىزمەتكەر رەتٸندە ەمەس, قازاقستان ازاماتى رەتٸندە جاۋاپ بەرەر بولسام...... بۇل سۇراققا بٸر كەزدەرٸ مەن دە جاۋاپ بەرەرمٸن. كٷتە تۇرايىق. بۇل مەسەلە كەشە عانا كٶتەرٸلدٸ, ويلانىپ, شەشٸم قابىلداۋعا بٸراز ۋاقىت كەرەك", - دەپ قوستى سكليار.
