Bul týraly "Suńqar" onkologiialyq ortalyǵynyń bas dárigeri Baqtiiar Kerimqulov depýtattarmen kezdesý barysynda aitty, dep habarlaidy Baq.kz agenttigi.
Búgin "Aq jol" partiiasynyń jetekshisi Azat Perýashev pen Erlan Barlybaev Almatydaǵy "Suńqar" klinikalyq ortalyǵynyń jumysymen tanysty. Kezdesý barysynda ortalyqtyń bas dárigeri klinikada koronavirýspen aýyrǵandardy emdeýge qajetti qural-jabdyqtar men dári-dármek jetkilikti ekenin aitty.
Bizdiń ortalyq onkologiialyq naýqastardy emdeýge arnalǵandyqtan sáýle jáne himiia terapiianyń zamanaýi apparattary bar. Dári-dármek te qazir jetkilikti. Shilde aiynda dáriniń azdap jetispeýshiligi boldy. Degenmen keiin bári qalpyna keldi, - dedi bas dáriger.
Depýtattardyń dári-dármekpen SK-Farmatsiia qamtamasyz etip otyrma degen saýalyna dáriger qajetti dárilerdiń barlyǵyn ózge kompaniiadan alyp otyrǵanyn jetkizdi.
Árine, biz SK-Farmatsiiadan satyp ala alamyz, alaida, olardyń baǵasy tym qymbat. Sondyqtan ózge kompaniialardan alýǵa týra keledi. Osy ýaqytqa deiin kerekti jabdyqtarmen de, dárimen de ózimizdi qamtamasyz etip kelemiz. Memleket tarapynan eshqandai qoldaý bolǵan emes, - deidi dáriger.
Sóz arasynda ol kúzge qarai koronavirýstyń jańa tolqyny bolýy múmkin ekenin jáne ol óte aýyr júretinin jetkizdi.
Kúz mezgili adamdardyń sozylmaly aýrýynyń qozatyn kezi. Koronaviýrs juqtyrǵandar sany sondai kóp bolmaýy múmkin, biraq virýs juqtyrǵandarda syrqat aýyr júretin bolady. Dúniejúzilik densaýlyq saqtaý uiymy qazirden dabyl qaǵyp, soǵan daiyndalý qajettigin aityp jatyr. Virýs juqtyrǵan adamdar qaitalap aýrýy da múmkin. Óitkeni antidene úsh-tórt aidan soń kúshin joiatyny anyqtalǵan, - deidi Baqtiiar Kerimqulov.
