QR Sybailas jemqorlyqqa qarsy is-qimyl agenttigi «SQ-Farmatsiia» JShS qyzmetindegi sybailas jemqorlyq táýekelderine syrtqy taldaýdy bastady, dep habarlaidy "Ult aqparat".
«Biylǵy 7 shildede QR Sybailas jemqorlyqqa qarsy is-qimyl agenttigi «SQ-Farmatsiia» JShS qyzmetindegi sybailas jemqorlyq táýekelderine syrtqy taldaýdy bastady. Ol aǵymdaǵy jyldyń 31 shildesine deiin jalǵasady.
Taldaýdy Cybailas jemqorlyqqa qarsy qyzmettiń, SQ-Farmatsiianyń qyzmetkerleri men qoǵamdyq uiymdardyń ókilderi júrgizedi.
Taldanatyn sala halyq úshin ózekti jáne sezimtal ekenin eskere otyryp, «SQ-Farmatsiianyń» quzyretine kiretin belgili ákimshilik kedergiler, sondai-aq sybailas jemqorlyqqa yqpal etetin sebepter men mán-jailar týraly málimetterdi s.ayaganova@anticorruption.gov.kz, s.aidarbekov@sk-pharmacy.kz elektrondyq mekenjailaryna jáne 8-707-987-98-33 whatsapp bailanys nómirine jiberýdi suraimyz», - delingen Sybailas jemqorlyqqa qarsy is-qimyl agenttiginiń Telegram-kanalynda.
Vedomstvodan málim etkendei, kelip túsken aqparattar jemqorlyq táýekelderin anyqtaý jáne olardy joiý boiynsha usynymdar ázirleý kezinde paidalanylatyn bolady.
EGER SIZGE SYBAILAS JEMQORLYQ TÝRALY BELGILI BOLSA, SIZ 1424 CALL-ORTALYǴYNA 24/7 REJIMINDE HABARLASA ALASYZ.
