Ortalyq kommýnikatsiialar qyzmetinde ótken brifingide «SQ-Farmatsiianyń» basqarma tóraǵasy Erhat Esqalievke kompaniianyń ákimshilik shyǵyndary týraly suraq qoiyldy, dep habarlaidy "Ult aqparat".
«Byltyrdan bastap biz búkil júieni qaita júktep, ákimshilik shyǵyndardy úzdiksiz ońtailandyryp kelemiz. Atap aitqanda, shyǵyndardy únemdeýden 239 mln teńge artyldy. Bailanys qyzmetteri boiynsha shyǵystar qysqartylyp, imidjd shyǵyndary tolyq qysqartyldy. Jóndeý jumystaryna arnalǵan shyǵyndar, sondai-aq sot daýlary boiynsha shyǵyndar da joiyldy. Ministrliktiń tapsyrmasy boiynsha ǵimaratty jalǵa alý shyǵystaryn bir sharshy metrge 7 000 teńgeden 5 990 teńgege deiin tómendettik. Bul - naryq baǵasy. Qazir avtokólikti jalǵa paidalanyp otyrmyz. Bul somaǵa júrgizýshilerdiń jalaqysy, qyzmet kórsetý, janarmai shyǵyny kiredi. Onyń kólemi - byltyrǵydan joǵary emes», - degen «SQ-Farmatsiia» basshysy biyl qansha syiaqy alatyndaryn aitty.
«SK-Farmatsiia» syiaqylarǵa biyl 179 million teńge bóldi. Meditsinalyq uiymdar sheńberinde alsaq, standartty soma deýge bolady. Bul syiaqynyń basqarma múshelerine qatysy joq», - dedi Erhat Esqaliev.
Kompaniia basshysy bul sóziniń mánin byla túsindirdi. Kompaniianyń burynǵy basshylyǵynyń ústinen qozǵalǵan tergeýler aiaqtalǵansha qazirgi basqarma múshelerine de jyl saiynǵy bonýstyq syiaqy tólenbeidi.
«Óz ailyǵyma keler bolsa, ony árqashan ashyq aityp júrmin – 1 mln 300 myń teńge. Budan qolǵa taza túsetini mysaly, million teńgege jetpeidi», - dedi Erhat Esqaliev.
