QR Sybailas jemqorlyqqa qarsy is-qimyl agenttigi «SK Farmatsiia» JShS-nyń qyzmetine syrttai saraptama jasaý isine kiristi. Bul týraly QR Sybailas jemqorlyqqa qarsy is-qimyl agenttigi 1-shi departamenttiń aǵa tergeýshisi Qaisar Barjaqsynov aitty, dep habarlaidy QazAqparat.
«Memleket basshysynyń tapsyrmasyn oryndaý aiasynda agenttik múddeli memlekettik organdardy, qoǵam ókilderi men sarapshylardy tarta otyryp, «SK Farmatsiia» JShS-niń qyzmetine syrttai saraptama jasaý isin bastady», - dedi ol agenttiktiń baspasóz qyzmeti alańynda ótken brifing barysynda.
Onyń aitýynsha, saraptama jasaý barysynda kompaniianyń normativtik-quqyqtyq bazasy jáne uiymdastyrýshylyq-basqarý qyzmeti jiti zerdelenetin bolady.
«Nátijesinde el basshylyǵyna onyń qyzmet tiimdiligin arttyrý, uiymdastyrýshylyq qurylymyn ońtailandyrý, biznes-protsesterdi transformatsiialaý, jemqorlyq táýekelderdi joiý boiynsha naqty usynystar engiziledi», - dedi Qaisar Barjaqsynov.
Eske sala ketsek, Memleket basshysy Qasym-Jomart Toqaevtyń tóraǵalyǵymen ótken Úkimettiń keńeitilgen otyrysynda MÁMS qory men «SQ Farmatsiia» basshylaryn jumystan shyǵarýdy tapsyrǵan bolatyn.
