QR Sybailas jemqorlyqqa qarsy is-qimyl agenttigi Aqtóbe oblysyndaǵy «SQ-Farmatsiia» qoimasynda birqatar buzýshylyqty anyqtady, dep habarlaidy "Ult aqparat".
«SQ-Farmatsiia» JShS-niń Aqtóbedegi qoimasy batys óńirindegi oblystar úshin mańyzdy nysan. Mundaǵy qoima 4 oblysty qajetti dári-dármekpen qamtamasyz etýi tiis.
QR Sybailas jemqorlyqqa qarsy is-qimyl agenttigi Seriktestik departamentiniń direktory Rasýl Medetov jáne agenttik janyndaǵy Respýblikalyq arnaiy monitoringilik top tóraǵasynyń orynbasary Rafael Gasanov óńirge jumys saparymen kelip, monitoring júrgizdi.
Tekserý kezinde «SQ-Farmatsiia» virýsqa qarsy «Avifavir» preparatynyń satyp alynýyna qatysty naqty málimet bere almady. Onymen qosa, «SQ-Farmatsiia» JShS-niń filial ókili Nurlan Jubanyshev kóptegen dári-dármek aýrýhanalarǵa jetkizilip qoiǵanyn aitqanymen, sońǵy partiialar qaida jáne qandai mólsherde jetkizilgeni týraly suraqqa jaýap berýden qinalǵan.
Osydan keiin batystyń 4 óńiri – Aqtóbe, Batys Qazaqstan, Atyraý jáne Mańǵystaý oblystaryna qajetti eki ailyq dári qorynyń jasaqtalǵanynan qatysty kúmán týyndaǵan.
«Jumys toby aldymen Aqtóbe meditsina ortalyǵyna bardy. Meditsina ortalyǵynyń qoimasyn kórip, dári-dármek qorynyń jaǵdaiymen tanysty. Negizinen «SQ – Farmatsiia» seriktestiginen satyp alǵan 37 túrli dári barlyq aýrýhananyń qoimasynda bolýy qajet. Alaida, monitoring barysynda meditsina ortalyǵynyń qoimasynda 8 túrli dári tabylmady. Atap aitsak, Tseftazidim, Imipinem, Famotidin, Magniia sýlfat, Ibýprofen, Totsilizýmab, Hloropiramin, moksifloksatsin», - dedi «Aqtóbe – adaldyq alańy» jobalyq keńsesiniń baspasóz qyzmetinen.
Al Oblystyq infektsiialyq aýrýhanasynyń dáriler qoimasynan 37 ataýdyń 6 túri anyqtalmady. Naqtyraq aitqanda, Nadroparin, Famotidin, Dopamin, Amoksitsillin, Enoksaparin, Totsilizýmab.
Aqtóbe oblystyq ftiziopýlmonologiia ortalyǵynyń qoimasynda 37 ataýdyń 2 túri joq bolyp shyqty. Olar: Remdesivir jáne Totsilizýmab preparattary.
Qarǵaly qalalyq aýrýhanasynyń qoimasynda dári-dármekterdiń 9 túri joq. Olar: Tsefýroksim, Imipenem-Tsilastatin, Nadroparin, Hloropiramin, Vankomitsin, Deksmedetomidin, Moksifloksatsin, Remdesivir, Totsilizýmab.
Aita keteiik, biylǵy 19 qazanda QR Sybailas jemqorlyqqa qarsy is-qimyl agenttiginde ótken apparat keńesinde «SQ-Farmatsiia» Basqarma tóraǵasy Erhat Esqaliev koronavirýstyń ekinshi tolqynyna tolyq daiyn ekendikterin jáne qajetti dári-dármekterdiń eki ailyq qory jasaqtalǵanyn málim etken bolatyn. E.Esqaliev óz sózinde 5,9 mlrd teńgege 37 túrli ataý boiynsha dári-dármek satyp alynǵanyn aitty. Dál sol jiynda Sybailas jemqorlyqqa qarsy qyzmettiń basshysy Alik Shpekbaev Prezident Qasym-Jomart Toqaevtyń tapsyrmasy boiynsha koronavirýstyń ekinshi tolqynyna daiyndyq dárejesin anyqtaýǵa baǵyttalǵan qoǵamdyq baqylaý júrgiziletindigin jetkizgen edi.
«Eske salaiyq, koronavirýstyń alǵashqy tolqyny kezinde Antikor qyzmetkerleri qoǵam belsendilerimen birge 2500-den astam dárihanada Covid-19-ǵa qarsy dári-dármekterdiń bolýyn jáne osy dárilerdiń baǵalarynyń shekti baǵadan aspaýyn tekserdi. 400-ge jýyq qoimada monitoring júrgizildi, sonymen qatar «SQ-Farmatsiianyń» Nur-Sultan, Almaty, Aqtóbe jáne Shymkent qalalaryndaǵy 4 negizgi haby tekserildi», - delingen habarlamada.
