"SK-Farmatsiia" JShS monopoliiaǵa qarsy zańnamany buzǵany úshin 1,3 milliard teńge mólsherinde aiyppul tóledi, - dep habarlaidy "Ult aqparat" Ulttyq ekonomika ministrliginiń baspasóz qyzmetine silteme jasap.
"Buǵan deiin habarlanǵandai Astana qalasynyń Mamandandyrylǵan aýdanaralyq ákimshilik sotynyń 2016 jylǵy 12 jeltoqsandaǵy qaýlysymen QR UEM Tabiǵi monopoliialardy retteý jáne básekelestikti qorǵaý komitetiniń Qazaqstan Respýblikasynyń básekelestikti qorǵaý salasyndaǵy zańnamasyn buzýshylyqtarǵa júrgizgen tergep-tekserýlerdiń qorytyndysy boiynsha «SK-Farmatsiia» JShS lottardy shekteý, lottardyń jeńimpazdaryna qosymsha mindettemelerdi kúshtep tańý jolymen adamdar toby boiynsha tegin meditsinalyq kómektiń kepildi kólemi sheńberinde dárilik zattardy jáne meditsinalyq maqsattaǵy buiymdardy (DZ jáne MMB) saqtaý jáne tasymaldaý qyzmetterin satyp alý naryǵyn bólýden kórinetin óziniń ústem jaǵdaiyn teris paidalaný faktisi boiynsha ákimshilik jaýapkershilikke tartylǵan bolatyn" delingen habarlamada.
Baspasóz qyzmetindegilerdiń málimetinshe, tergep-tekserý sheńberinde "SK-Farmatsiia" JShS 2010 jyldan bastap 2015 jyl aralyǵynda tegin meditsinalyq kómektiń kepildi kólemi sheńberinde DZ jáne MMB saqtaý jáne tasymaldaý qyzmetin satyp alýdy bir lotpen ótkizgen. Osylaisha "STOFARM" JShS osy qyzmetterdiń monopolisi retinde jasaǵany anyqtaldy.
Vedomstvodaǵylar 2017 jylǵy 16 naýryzda "SK-Farmatsiia" JShS ákimshilik aiyppuldy memlekettiń biýdjetine tolyq kólemde tólegenin aitty.
