"SK-Farmatsiia" burynǵy tóraǵasy Berik Shárip ótken jyldyń kókteminde koronavirýs pandemiiasy órship turǵan shaqta burynǵy densaýlyq saqtaý ministri Eljan Birtanovpen óziniń qylmystyq qýdalaýǵa ushyraýy múmkindigi týraly kúdigimen bólisken. Bul týraly Birtanov elordadaǵy Esil sotynda kýáger retinde bergen jaýabynda málimdedi, dep habarlaidy Sputnik.
Eks-ministrdiń aitýynsha, Qazaqstandaǵy farmatsevtikalyq naryq asa kúrdeli jáne keide tym qaýipti. Básekelestik jaǵdaiynda keibir kompaniialardyń "qorqynyshty qadamdarǵa barýy jáne qatańdyq tanytýy" jii kezdesedi. Bul kúreste densaýlyq saqtaý ministrliginiń sheneýnikteri men "SK-Farmatsiia" zardap shegedi. Sebebi tenderde jeńilis tapqan biznesmender konkýrs kezinde zań buzýshylyq boldy dep shaǵymdanady.
Birtanov Sháripten memlekettik satyp alýlar protsesin ashyq ári zań aiasynda uiymdastyrýdy talap etken.
"Berik Sháripuly – saýatty kásibi basqarýshy. Ol kúrdeli jaǵdaiǵa tap boldy. Ol keide bul qyzmetten ketkisi keletin. Ol kezde men "Sonda munymen kim ainalysady?" deitinmin. Meniń oiymsha ol qyzmetin jaqsy atqardy. Men koronavirýs kezinde onymen jáne basqa da azamattarmen ózimizdiń asa jaýapty sheshimder qabyldap jatqanymyzben, qujat júzindegi ruqsattar bar sharýany tejep turǵany jaily sóilestim. Men "Jigitter, sheshim qabyldaý kerekpiz, prezident osy jaily aityp jatyr" deitinmin. Sonda Berik "Keiin tergeýdiń astynda qalýymyz múmkin" dep aitty. Al men mundai bolmaidy dep sendirdim. Ókinishke qarai meniń aitqanym kelmedi. Osyǵan qatysty ókinish bildiremin", - dedi Birtanov sotta.
Eks-ministr sybailas jemqorlyq, para alý nemese para berýge Sháripke eshqashan eshqandai shaǵym túspegenin atap ótti. 2018-2019 jyldary júrgizilgen tekserý kezinde birde-bir zań buzýshylyq anyqtalmaǵan.
Biraz buryn burynǵy densaýlyq saqtaý ministri qorǵanys kostiýmderin Qazaqstanǵa jetkizýdiń merzimi keshiktirilýine "SK-Farmatsiia" mekemesiniń eks-basshysy kináli emes ekenin aitty. Sebebi Qazaqstan qorǵanysh quraldaryn jetkizý týraly kelisimshart jasaǵan Qytaidyń eksport saiasatynda ózgerister engizilýimen bailanysty ótken jyly kóktemde fors-majorlyq jaǵdai týyndaǵan.
Eske salsaq, Berik Sháripke qatysty is qylmystyq kodekstiń 361-babynyń 4-bóliminiń 3-tarmaǵy "Laýazymdyq ókilettikterdi teris paidalanýdyń aýyr saldarǵa alyp kelýi", sondai-aq 287-baptyń 2-bólimi "Qarýdy, oq-dárilerdi, jarylǵysh zattardy jáne jarylys qurylǵylaryn zańsyz iemdený, berý, ótkizý, saqtaý, tasymaldaý nemese alyp júrý" boiynsha qaralyp jatyr.
