"سك-فارماتسييا" بۇرىنعى تٶراعاسى بەرٸك شەرٸپ ٶتكەن جىلدىڭ كٶكتەمٸندە كوروناۆيرۋس پاندەميياسى ٶرشٸپ تۇرعان شاقتا بۇرىنعى دەنساۋلىق ساقتاۋ مينيسترٸ ەلجان بٸرتانوۆپەن ٶزٸنٸڭ قىلمىستىق قۋدالاۋعا ۇشىراۋى مٷمكٸندٸگٸ تۋرالى كٷدٸگٸمەن بٶلٸسكەن. بۇل تۋرالى بٸرتانوۆ ەلورداداعى ەسٸل سوتىندا كۋەگەر رەتٸندە بەرگەن جاۋابىندا مەلٸمدەدٸ, دەپ حابارلايدى Sputnik.
ەكس-مينيستردٸڭ ايتۋىنشا, قازاقستانداعى فارماتسەۆتيكالىق نارىق اسا كٷردەلٸ جەنە كەيدە تىم قاۋٸپتٸ. بەسەكەلەستٸك جاعدايىندا كەيبٸر كومپانييالاردىڭ "قورقىنىشتى قادامدارعا بارۋى جەنە قاتاڭدىق تانىتۋى" جيٸ كەزدەسەدٸ. بۇل كٷرەستە دەنساۋلىق ساقتاۋ مينيسترلٸگٸنٸڭ شەنەۋنٸكتەرٸ مەن "سك-فارماتسييا" زارداپ شەگەدٸ. سەبەبٸ تەندەردە جەڭٸلٸس تاپقان بيزنەسمەندەر كونكۋرس كەزٸندە زاڭ بۇزۋشىلىق بولدى دەپ شاعىمدانادى.
بٸرتانوۆ شەرٸپتەن مەملەكەتتٸك ساتىپ الۋلار پروتسەسٸن اشىق ەرٸ زاڭ اياسىندا ۇيىمداستىرۋدى تالاپ ەتكەن.
"بەرٸك شەرٸپۇلى – ساۋاتتى كەسٸبي باسقارۋشى. ول كٷردەلٸ جاعدايعا تاپ بولدى. ول كەيدە بۇل قىزمەتتەن كەتكٸسٸ كەلەتٸن. ول كەزدە مەن "سوندا مۇنىمەن كٸم اينالىسادى?" دەيتٸنمٸن. مەنٸڭ ويىمشا ول قىزمەتٸن جاقسى اتقاردى. مەن كوروناۆيرۋس كەزٸندە ونىمەن جەنە باسقا دا ازاماتتارمەن ٶزٸمٸزدٸڭ اسا جاۋاپتى شەشٸمدەر قابىلداپ جاتقانىمىزبەن, قۇجات جٷزٸندەگٸ رۇقساتتار بار شارۋانى تەجەپ تۇرعانى جايلى سٶيلەستٸم. مەن "جٸگٸتتەر, شەشٸم قابىلداۋ كەرەكپٸز, پرەزيدەنت وسى جايلى ايتىپ جاتىر" دەيتٸنمٸن. سوندا بەرٸك "كەيٸن تەرگەۋدٸڭ استىندا قالۋىمىز مٷمكٸن" دەپ ايتتى. ال مەن مۇنداي بولمايدى دەپ سەندٸردٸم. ٶكٸنٸشكە قاراي مەنٸڭ ايتقانىم كەلمەدٸ. وسىعان قاتىستى ٶكٸنٸش بٸلدٸرەمٸن", - دەدٸ بٸرتانوۆ سوتتا.
ەكس-مينيستر سىبايلاس جەمقورلىق, پارا الۋ نەمەسە پارا بەرۋگە شەرٸپكە ەشقاشان ەشقانداي شاعىم تٷسپەگەنٸن اتاپ ٶتتٸ. 2018-2019 جىلدارى جٷرگٸزٸلگەن تەكسەرۋ كەزٸندە بٸردە-بٸر زاڭ بۇزۋشىلىق انىقتالماعان.
بٸراز بۇرىن بۇرىنعى دەنساۋلىق ساقتاۋ مينيسترٸ قورعانىس كوستيۋمدەرٸن قازاقستانعا جەتكٸزۋدٸڭ مەرزٸمٸ كەشٸكتٸرٸلۋٸنە "سك-فارماتسييا" مەكەمەسٸنٸڭ ەكس-باسشىسى كٸنەلٸ ەمەس ەكەنٸن ايتتى. سەبەبٸ قازاقستان قورعانىش قۇرالدارىن جەتكٸزۋ تۋرالى كەلٸسٸمشارت جاساعان قىتايدىڭ ەكسپورت ساياساتىندا ٶزگەرٸستەر ەنگٸزٸلۋٸمەن بايلانىستى ٶتكەن جىلى كٶكتەمدە فورس-ماجورلىق جاعداي تۋىنداعان.
ەسكە سالساق, بەرٸك شەرٸپكە قاتىستى ٸس قىلمىستىق كودەكستٸڭ 361-بابىنىڭ 4-بٶلٸمٸنٸڭ 3-تارماعى "لاۋازىمدىق ٶكٸلەتتٸكتەردٸ تەرٸس پايدالانۋدىڭ اۋىر سالدارعا الىپ كەلۋٸ", سونداي-اق 287-باپتىڭ 2-بٶلٸمٸ "قارۋدى, وق-دەرiلەردi, جارىلعىش زاتتاردى جەنە جارىلىس قۇرىلعىلارىن زاڭسىز يەمدەنۋ, بەرۋ, ٶتكiزۋ, ساقتاۋ, تاسىمالداۋ نەمەسە الىپ جٷرۋ" بويىنشا قارالىپ جاتىر.
