Foto: gov.kz
Májiliste mektepke deiingi jáne orta bilim berý uiymdaryndaǵy qaýipsizdik júiesi jaǵdaiyna arnalǵan "dóńgelek ústelde" kútpegen oqiǵa boldy, - dep habarlaidy Massaget.kz portaly.
Dóńgelek ústelge qatysýshylar máseleni talqylaýǵa kirispes buryn, Zoom baǵdarlamasy arqyly óńirlerden kelgen usynystardy tyńdaý úshin sóz kezegi Temirtaý qalasyndaǵy №12 orta mektep direktory Sáýle Qaiyrbekke berildi. Alaida qatysýshylar usynys ornyna direktordyń mektepte atqarylyp jatqan jumystary týraly esebin tyńdaǵan.
Daiyn esepti oqymai, naqty suraqqa jaýap berýdi ótingennen keiin mektep direktory monitordyń artyna qarai bastaǵan.
Dóńgelek ústeldiń moderatory, eks-bilim jáne ǵylym ministri, Májilistiń Áleýmettik-mádeni damý komiteti tóraǵasy Ashat Aimaǵambetov bul jaǵdai "ózgeniń kómeginsiz" bolmaǵanyn aitty.
"Janyńyzda bireý bar jáne sizge aityp turǵan siiaqty. Óitkeni jaýap bergende únemi jan-jaǵyńyzǵa qaraisyz. Bunda sizge kómekteskimiz keledi. Qandai júieli máseleler bar? Biz sony bilgimiz keledi. Sizdiń mektep qaýipsizdik agenttigimen nege kelisimshart jasady nemese jasamady? Esep berýdi talap etpeimiz. Jaraidy, jaqsy, raqmet", - dep Aimaǵambetov kúlip esepti toqtatty.
Biyl Qazaqstan mektepterindegi oqý jyly 31 mamyrda aiaqtalady. Kóptegen oqý oryndarynda oqýlyqtar apta basynda tapsyryldy. Endi ata-analardyń aitýynsha, oqýshylar sabaqta bos otyrýǵa nemese mektep kúnin fýtbol alańynda ótkizýge májbúr.
