Almaty qalasynyń eks-ákimi Baqytjan Saǵyntaev áleýmettik jelidegi paraqshasynda almatylyqtarǵa arnalǵan jazba qaldyrdy, - dep habarlaidy "Ult aqparat".
"Búgin men óz laýazymymdy jańa ákimge tapsyramyn. Osydan týra 720 kún buryn Prezident maǵan Almaty ákimdigin basqarýdy senip tapsyrdy. Bul úshin Memleket basshysyna rizamyn.
Men sizdermen únemi birge boldym. Qala ómirin jaqsartýǵa bar kúsh-jigerimdi arnadym. Uzaq merzimdi "Almaty-2050" strategiiasyn qabyldap, qalany damytýdyń keleshegin aiqyndadyq. Prezidenttiń "Shetsiz qala" qaǵidaty negizinde qalaǵa qosylǵan aýdandardyń túitkildi máselelerin sheshýge basa nazar aýdaryp, "Jańa Almaty" keshendi baǵdarlamasyn qabyldadyq. Biz áleýmettik máselelerdi sheshý úshin Almatyny aglomeratsiia retinde damytý jáne oblystyń qalamen shektesetin 4 aýdanynda jumys oryndaryn qurý jumysyn kún tártibine qoidyq. Densaýlyq saqtaý júiesi nyǵaityldy. Bir jyldyń ishinde eń zamanaýi jabdyqtarmen jabdyqtalǵan 3 juqpaly aýrýlar aýrýhanasyn iske qostyq. Pandemiia kezinde densaýlyq saqtaý júiesindegi daǵdarysqa jol berilmedi. Ekologiiany jaqsartý úshin júieli eki sheshim qabyldandy: million aǵash otyrǵyzý jáne ekinshi JEO-ny gazǵa aýystyrý", - dep jazdy Saǵyntaev Facebook-paraqshasynda.
