Mádeniet jáne sport ministri Arystanbek Muhamediuly aqyn Oljas Súleimenovke kóńil aitty, dep habarlaidy "Ult aqparat".
"Halyq qurmetine bólengen aqynymyz Oljas Súleimenovke qaiǵyryp kóńil aitamyn. Nemeresi Eskendirdiń qazasy eldiń qabyrǵasyna batty. Oljas Omarulynyń otbasynyń basyna túsken qaiǵyny sózben aityp jetkizý qiyn. Kóńil jubatar sóz aitý da qiyn", — dep jazdy Muhamediuly feisbýktegi paraqshasynda.
Mádeniet ministri aqynnyń shyǵarmalary qiyn sátte talai adamǵa qaiyspaityn rýh bergenin atap ótti.
"Endi bizder, onyń dostary, jaqyn adamdary, aqynnyń shyǵarmashylyǵyna bas ietin adamdar birlesip, onyń otbasyna taǵdyrdyń salǵan salmaǵyn jeńildetýge tyrysaiyq degim keledi. Bolǵan iske bolattai berik bolyńyz! Sizben birge júregim qan jylap tur...", — dep kóńil aitty ministr.
Eske sala ketsek, jeksenbi kúni aqyn, jazýshy Oljas Súleimenovtiń 20 jastaǵy nemeresi Eskendir Astanada jol apatynan kóz jumǵan edi. Jol-kólik oqiǵasy Máńgilik El – Kerei Jánibek handar kósheleriniń qiylysynda keshki toǵyz-toǵyz jarymnyń aralyǵynda bolǵan. Jas jigit mototsikl júrgizip kele jatqan.
Eskendirdiń dosynyń aitýynsha, jas jigit sońǵy jyldary Astanada turyp, jumys istegen.
