4 sáýirde tańǵy ýaqytta Siriianyń Idlib provintsiiasynda ornalasqan Han-Sheihýn qalasy bombalaýdyń qurbany bolyp, 72 adam qaza tapty. Onyń 20-sy - kámelet jasyna tolmaǵan balalar. Osylaisha, 160-qa jýyq adam zardap shekti, - dep habarlaidy Euronews.
Aldyn ala boljam boiynsha, himiialyq qarý qoldanylǵan. Sebebi áýeden soqqy jasalǵannan keiin adamdar tunshyǵa bastaǵan. Siriiadaǵy adam quqyǵyn qorǵaý keńesiniń baqylaýshylary (SOHR) adamdardyń tunshyǵyp qaza tapqandaryn, esinen tanyp, júregi ainyǵandardyń jáne aýzynan kóbik aqqan adamdardyń kóp bolǵanyn aitady.
Jergilikti dárigerlerdiń aitýynsha, qala turǵyndaryna qatysty hlor nemese zarin qoldanylǵan. Ol ekeýi de ýly. Jantúrshigerlik sýretter men videolardy álemdik BAQ jáne Jeli qoldanýshylar jariialap jatyr.
