Siriia soltústigindegi Afrin qalasynda 28 sáýirde benzovozǵa qoiylǵan bomba jarylyp, keminde 20 adam qaza boldy. Bul týraly Siriiadaǵy qaqtyǵysty baqylaityn top habarlady. Jarylys bolǵan aýmaqty Túrkiia qoldaityn ereýilshiler baqylaidy.
Ulybritaniiada shoǵyrlanǵan Siriianyń adam quqyǵyn baqylaý ortalyǵynyń habarlaýynsha, keminde 27 adam jaraqattanǵan. Naýqastardyń jaǵdaiy aýyr bolǵandyqtan qaza bolǵandar sany artýy múmkin.
Túrkiianyń qorǵanys ministrliginiń málimeti boiynsha, jarylystan 40 adam qaza bolǵan, olardyń arasynda 11 bala bar. 47 adam jaraqattanǵan. Ministrlik oqiǵaǵa kúrdter basqaratyn "Halyq qorǵanysy jasaǵyn" (YPG) kinálady. Ankara bul uiymdy terroristik uiym dep tanyǵan.
Negizinen kúrdter shoǵyrlanǵan Afrin anklavyn túrik áskerileri jáne olarmen odaqtas ereýilshiler 2018 jyly naýryz aiynda basyp alǵan. Sońǵy birneshe aida bul aýdanda osyǵan uqsas jarylystar bolǵan. Kúrdter aiypty joqqa shyǵaryp, beibit turǵyndarǵa shabýyl jasamaitynyn aitqan.
