Siriiada jeksenbi kúni oppozitsiianyń qarýly kúshi Aleppo túbindegi birneshe aýdanda úkimet áskerimen soǵysty. Siriialyq qolbasshylyq oppozitsiiany qarýlaryn tastap, qaladan ketýge shaqyrdy.
Atystar Aleppo qalasynyń soltústigindegi Ál Shýkif biiktigi úshin, Býstan ál Basha aýdanynda júrdi. Úkimet kúshteriniń Aleppoǵa shabýyldaryn reseilik jáne siriialyq áýe kúshteri qoldap otyr. Áýe soqqylary qalanyń shyǵys aýdandaryna jasaldy. Bul týraly Associated Press agenttigi siriialyq adam quqyǵyn qorǵaýshylarǵa silteme jasap habarlady.
Oppozitsiialyq qarýly toptyń bir múshesi agenttikke úkimet áskeri quramynda shetel azamattary soǵysyp júrgenin habarlaǵan. Olar - Livan jáne Irak azamattary, ustaǵan týlarynan sony ańǵarýǵa bolady, dedi oppozitsiia quramyndaǵy derekkóz.
