Astana protsesiniń qatysýshylary Siriia aýmaǵyndaǵy barlyq halyqqa gýmanitarlyq kómekti arttyrý qajettigin atap ótti, dep habarlaidy QazAqparat tilshisi.
Bul týraly Siriiadaǵy daǵdarysty retteý jónindegi Astana protsesiniń 13-kezdesýinde kepil memleketter - Iran, Resei jáne Túrkiianyń birlesken málimdemesinde aityldy.
«Siriia aýmaǵyndaǵy barlyq siriialyqtarǵa aldyn ala shartsyz gýmanitarlyq kómekti arttyrý qajettigin atap óttik. Siriiadaǵy gýmanitarlyq jaǵdaidy jaqsartý jáne saiasi retteý protsesin qoldaý maqsatynda halyqaralyq qaýymdastyqty, BUU men onyń gýmanitarlyq agenttikterin Siriiaǵa kómekti arttyrýǵa shaqyrdyq. Onyń ishinde negizgi infraqurylym nysandaryn - sý jáne elektrmen qamtý, mektep, aýrýhanalardy tezirek qalpyna keltirý jáne gýmanitarlyq minasyzdandyrý jobalaryn júzege asyrýǵa mán bergen jón», - dedi QR Syrtqy ister ministriniń orynbasary Roman Vasilenko elordada Siriia boiynsha kelissózderdiń 13-raýndynda kepil memleketterdiń birlesken málimdemesin oqý barysynda.
Resmi málimdemege sáikes, aldaǵy ýaqytta Siriiaǵa gýmanitarlyq kómek máseleleri boiynsha halyqaralyq konferentsiia ótýi múmkin.
Aita keteiik, elordada Siriiadaǵy daǵdarysty retteý boiynsha Astana protsesiniń 13-shi halyqaralyq kezdesýi ótti. Jiyn Siriiadaǵy, ásirese Idlib provintsiiasy men eldiń soltústik-shyǵysyndaǵy qazirgi ahýaldy talqylaýǵa, qaqtyǵysýshy taraptar arasyndaǵy senimdi nyǵaitýǵa jáne saiasi protsesti odan ári ilgeriletýge basa nazar aýdarady.
