Vashington Evfrat ózeniniń shyǵys bóligindegi aýmaqtardy bólýge umtylyp otyr. Buǵan qosa, olar sol jerde kvazimememleket qurý úshin qoldan kelgenniń bárin isteýde, dep málimdedi Resei syrtqy ister ministrliginiń basshysy Sergei Lavrov Parijdegi ekinshi beibitshilik forýmynda.
"AQSh Shyǵanaq elderinen úlken investitsiialar týraly suraidy. Olar osylaisha Siriia demokratiialyq kúshteri, kúrdter – halyqtyq ózin-ózi qorǵaý jasaqtary men basqalary negizinde jergilikti ákimshilik qurǵysy keledi. Bul Siriianyń osy bóligin bólip tastap, sol jerde ornalasqan munai ken oryndaryn baqylaý úshin jasalyp otyr", - dedi ministr.
Buǵan qosa, Lavrovtyń aitýynsha, Amerika Qurama Shtattary odaqtastaryna resmi Damask baqylaityn Siriiany qalpyna keltirý jobalaryn investitsiialaýǵa tyiym salady, dep habarlaidy Sputnik agenttigi.
"Biz Siriia úkimetimen birge, basqalardy shaqyra otyryp, eldiń jaqsy ómirge oralýy úshin, bosqyndardyń qaita kelýi úshin infraqurylymdy jańǵyrtý maqsatynda jaǵdai jasaýdy qoldaimyz", - dedi vedomstvo basshysy.
Jaqynda Lavrov AQSh-tyń Siriiany tonap, munai ken oryndaryn baqylaýyna alý áreketteri zańsyz ekenin, bul esh jaqsylyq ákelmeitinin aitqan edi.
Siriiadaǵy jaǵdai
Siriiadaǵy qarýly qaqtyǵys segiz jyldan astam ýaqyt boiy jalǵasyp keledi. Eldegi jaǵdai qazan aiynda ýshyǵa tústi. Sol kezde Túrkiia kúrd jasaqtaryna qarsy baǵyttalǵan "Beibitshilik bastaýy" operatsiiasynyń bastalǵany týraly jariialady. Óz kezeginde, Vashington Ankaranyń áskeri operatsiiasyna qatysýdan bas tartyp, áskerlerdiń shyǵarylatyny jaily habarlaǵan bolatyn.
Degenmen kóp uzamai Donald Tramp áskeri qyzmetkerlerdiń bir bóligi munaidy "Islam memleketi" sodyrlarynan kúzetý úshin qalatynyn aitty. Onyń pikirinshe, kúrdterge aqsha kerek bolǵandyqtan olar munaily óńirge kelgen.
Al Pentagon ókili Ret Hoffmannyń málimetinshe, siriialyq munaidan túsken tabys amerikalyqtarǵa emes, kúrdterge ketip jatyr.
Máskeý men Ankara kelisimderi
Ankara AQSh-pen kelisim boiynsha Siriia shyǵysyndaǵy áskeri áreketterdi ýaqytsha toqtatty. Bul kúrdterdiń óz qurylymdaryn shekaradaǵy 30 shaqyrymdyq býferlik aimaqtan alyp ketý úshin jasalyp otyr.
Jiyrma ekinshi qazanda Vladimir Pýtin pen Rejep Taiyp Erdoǵan alty saǵattyq kelissóz ótkizip, nátijesinde on pýnkten turatyn ózara túsinistik týraly memorandýmǵa qol qoidy.
Qujat Túrkiiamen shekaradaǵy Siriia jaqqa reseilik áskeri politsiia men siriialyq keden qyzmeti bólimshelerin kirgizýdi qarastyrady. Olar kúrd jasaqtarynyń shyǵarylýyna, Siriia-Túrkiia shekarasynan 30 kilometr jerde olardyń qarýlanýyna jáne birlesip patrýldeýge kómektesýi tiis.
Keiin Resei qorǵanys ministrliginiń basshysy Sergei Shoigý kúrdterdiń qaýipti aimaqtan merziminen buryn shyǵarylǵanyn aitty. Túrkiia-Resei baqylaý marshrýttarynda barlaý úshin ushýlar men minadan tazalaý jumystary bastaldy.
