QR Ulttyq qaýipsizdik komitetiniń departament basshysy Baqytbek Rahymberdiev Siriiadan qaitarylǵan azamattardyń lańkestikke qatystylyǵy dáleldengen jaǵdaida olardy ne kútip turǵanyn aitty, dep habarlaidy QazAqparat tilshisi.
«Jaza merzimine toqtalsaq, «Jýsan-1» operatsiiasy kezinde elge jetkizilgen eki er adam 8 jylǵa bas bostandyǵynan aiyryldy. Bul turǵyda qylmystyń aýyrlyǵy men olardyń tergeý amaldaryna kómegi jáne óz erkimen kelýi eskerildi», - dedi B. Rahymberdiev Syrty ister ministrliginde tilshiler saýalyna jaýap bere otyryp.
Aita keteiik, búgin atalǵan vedomstvoda «Jýsan-2» operatsiiasyna qatysty baspasóz máslihaty ótti. Jaqynda Siriiadan 231 Qazaqstan azamatynyń elge jetkizilgeni málim. Qazaqstanǵa kelgennen keiin 16 er adam men 4 áiel DAISh jaǵynda terroristik is-áreketke qatysy bar degen kúdikpen tutqynǵa alyndy.
UQK ókiliniń atap ótýinshe, kúdiktilerge qatysty jaza qylmystyń aýyrlyǵyna qarai aiqyndalady.
«Jalpy alǵanda, istegen áreketiniń aýyrlyǵy boiynsha olar 20 jylǵa deiin sottalýy múmkin. Iaǵni bizde 2017 jyly ekstraditsiialanǵan lańkestik toptyń bir múshesine 20 jylǵa bas bostandyǵynan aiyrý úkimi shyǵarylǵan edi. Atap aitqanda, osynda qylmystar úshin uzaq merzim berý qarastyrylǵan», - dedi ol.
Budan buryn habarlanǵandai, jaqynda Siriiadan 231 Qazaqstan azamatynyń elge jetkizilýine bailanysty QR Prezidenti Qasym-Jomart Toqaev málimdeme jasady.
«Meniń tapsyrmam boiynsha 7 jáne 9 mamyr kúnderi Siriiadan 231 Qazaqstan azamaty elge jetkizildi, onyń 156-sy - balalar, deni mektep jasyna deiingiler, sonyń ishinde 18-i - jetim balalar. Bul aýqymdy gýmanitarlyq aktsiia - Tuńǵysh Prezident - Elbasy Nursultan Nazarbaevtyń tapsyrmasymen biyl qańtar aiynda júrgizilgen «Jýsan» operatsiiasynyń jalǵasy», - delingen Memleket basshysynyń málimdemesinde.
