Siriiadaǵy Ál-Hol bosqyndar lagerinde otyrǵan tájik áielder Tájikstan prezidenti Emomali Rahmonǵa úndeý joldap, memleket basshysynan elge oralýǵa kómektesýin surady.
Siriiadaǵy bosqyndar lagerlerinde kezinde Siriia men Irakta "Islam memleketi" toby (Qazaqstan aýmaǵynda tiym salynǵan terroristik qurylym) jaǵynda soǵysqan sodyrlardyń áielderi men balalary turyp jatyr.
Siriianyń soltústigindegi Ál-Hol jáne Rodj lagerlerinde shamamen 600 tájik áieli men bala bar. Olardyń deni Siriiaǵa kúieýlerine erip kelgen, bul aimaqta shyn máninde ne bolyp jatqanyn bilmegen.
Tájikstan prezidentine jazǵan hatynda bosqyndar lagerindegi tájik áielderi memleket basshysynan olarǵa elge oralýǵa kómektesýin suraǵan. Bunyń aldynda Rahmon Siriiadaǵy lagerlerdegi 500 tájik áieli men balasy elge oralady dep málimdegen.
"Sizdiń sózińiz bizge kúsh berdi. Biz otanǵa oralatyn sátti taǵatsyzdana kútip júrmiz. Balalarymyz bul elde óskenin qalamaimyz" dep jazdy tájik áielderi.
Osyǵan deiin Qazaqstan, Qyrǵyzstan men Ózbekstan Siriia men Iraktaǵy ekstremisterge qosylǵan júzdegen azamattyń otbasyn eline qaitarǵan. Olardyń keibiri óz elderinde sottaldy.
