سيريياداعى ەل-حول بوسقىندار لاگەرٸندە وتىرعان تەجٸك ەيەلدەر تەجٸكستان پرەزيدەنتٸ ەمومالي راحمونعا ٷندەۋ جولداپ, مەملەكەت باسشىسىنان ەلگە ورالۋعا كٶمەكتەسۋٸن سۇرادى.
سيريياداعى بوسقىندار لاگەرلەرٸندە كەزٸندە سيرييا مەن يراكتا "يسلام مەملەكەتٸ" توبى (قازاقستان اۋماعىندا تيىم سالىنعان تەرروريستٸك قۇرىلىم) جاعىندا سوعىسقان سودىرلاردىڭ ەيەلدەرٸ مەن بالالارى تۇرىپ جاتىر.
سيرييانىڭ سولتٷستٸگٸندەگٸ ەل-حول جەنە رودج لاگەرلەرٸندە شامامەن 600 تەجٸك ەيەلٸ مەن بالا بار. ولاردىڭ دەنٸ سيريياعا كٷيەۋلەرٸنە ەرٸپ كەلگەن, بۇل ايماقتا شىن مەنٸندە نە بولىپ جاتقانىن بٸلمەگەن.
تەجٸكستان پرەزيدەنتٸنە جازعان حاتىندا بوسقىندار لاگەرٸندەگٸ تەجٸك ەيەلدەرٸ مەملەكەت باسشىسىنان ولارعا ەلگە ورالۋعا كٶمەكتەسۋٸن سۇراعان. بۇنىڭ الدىندا راحمون سيريياداعى لاگەرلەردەگٸ 500 تەجٸك ەيەلٸ مەن بالاسى ەلگە ورالادى دەپ مەلٸمدەگەن.
"سٸزدٸڭ سٶزٸڭٸز بٸزگە كٷش بەردٸ. بٸز وتانعا ورالاتىن سەتتٸ تاعاتسىزدانا كٷتٸپ جٷرمٸز. بالالارىمىز بۇل ەلدە ٶسكەنٸن قالامايمىز" دەپ جازدى تەجٸك ەيەلدەرٸ.
وسىعان دەيٸن قازاقستان, قىرعىزستان مەن ٶزبەكستان سيرييا مەن يراكتاعى ەكسترەميستەرگە قوسىلعان جٷزدەگەن ازاماتتىڭ وتباسىن ەلٸنە قايتارعان. ولاردىڭ كەيبٸرٸ ٶز ەلدەرٸندە سوتتالدى.
