Siriiadaǵy soǵys is-qimyldaryn toqtatý rejiminiń kepilger elderiniń delegatsiialary elordaǵa keldi. Olar 21-22 jeltoqsan kúnderi ótetin kelissózderdiń kezekti raýndyna qatysatyn bolady, dep habarlaidy "Ult aqparat" QR SIM baspasóz qyzmetine silteme jasap.
Resei delegatsiiasyna RF Prezidentiniń Siriia jónindegi arnaiy ókili Aleksandr Lavrentev basshylyq jasaidy. Al Túrkiia tarapynan Syrtqy ister ministriniń orynbasary Sedat Onal, Irannan atalǵan eldiń Syrtqy ister ministriniń orynbasary Hýsein Djaberi Ansari bastaǵan delegatsiialar keledi.
Sonymen qatar atalǵan kezdesýge Siriia úkimetiniń jáne siriialyq oppozitsiianyń, BUU-nyń, baqylaýshy elder AQSh pen Iordaniianyń ókilderi de qatysady dep kútilýde.
Aita keterligi, 21 jeltoqsan kúni ekijaqty jáne kópjaqty konsýltatsiialar ótkizý josparlanǵan. Al 22 jeltoqsanda jalpy otyrys ótkizý kózdelgen.
