Astana protsesiniń 19-shy kezdesýi 2022 jyldyń ekinshi jartysynda Nur-Sultan qalasynda ótedi. Bul jaiynda Siriia boiynsha 18-shi halyqaralyq kezdesýdiń qorytyndysy boiynsha Iran, Resei jáne Túrkiia ókilderiniń birlesken málimdemesinde aitylǵan, dep habarlaidy QazAqparat.
«Biz Astana formatyndaǵy baqylaýshylar retinde Iordaniia, Irak jáne Livan delegatsiialarynyń, sondai-aq BUU men HQKK ókilderiniń qatysýyn qanaǵattanýshylyqpen atap óttik. Nur-Sultanda Astana formatynda Siriia boiynsha 18-shi halyqaralyq kezdesýdi ótkizgeni úshin Qazaqstan biligine shynaiy alǵysyn bildiremiz. Siriia boiynsha Astana formatyndaǵy 19-shy halyqaralyq kezdesýdi osy jyldyń ekinshi jartysynda Nur-Sultanda ótkizýge kelistik», - delingen QR Syrtqy ister ministriniń orynbasary Ádil Tursynov jariia etken birlesken málimdemede.
Sonymen qorytyndy qujatta kepilger elder Astana formatynda ministrlerdiń kelesi kezdesýin uiymdastyrý nietterin rastady.
«Biz 2020 jyldyń 1 shildesindegi sammittiń qorytyndy málimdemesinde bekitilgen kelesi úshjaqty sammitti sharttar ruqsat etilgen kezde tez arada Iran Islam Respýblikasynda ótkizý týraly kelisimdi taǵy da atap óttik», - dedi kepilger elder.
