استانا پروتسەسٸنٸڭ 19-شى كەزدەسۋٸ 2022 جىلدىڭ ەكٸنشٸ جارتىسىندا نۇر-سۇلتان قالاسىندا ٶتەدٸ. بۇل جايىندا سيرييا بويىنشا 18-شٸ حالىقارالىق كەزدەسۋدٸڭ قورىتىندىسى بويىنشا يران, رەسەي جەنە تٷركييا ٶكٸلدەرٸنٸڭ بٸرلەسكەن مەلٸمدەمەسٸندە ايتىلعان, دەپ حابارلايدى قازاقپارات.
«بٸز استانا فورماتىنداعى باقىلاۋشىلار رەتٸندە يوردانييا, يراك جەنە ليۆان دەلەگاتسييالارىنىڭ, سونداي-اق بۇۇ مەن حقكك ٶكٸلدەرٸنٸڭ قاتىسۋىن قاناعاتتانۋشىلىقپەن اتاپ ٶتتٸك. نۇر-سۇلتاندا استانا فورماتىندا سيرييا بويىنشا 18-شٸ حالىقارالىق كەزدەسۋدٸ ٶتكٸزگەنٸ ٷشٸن قازاقستان بيلٸگٸنە شىنايى العىسىن بٸلدٸرەمٸز. سيرييا بويىنشا استانا فورماتىنداعى 19-شى حالىقارالىق كەزدەسۋدٸ وسى جىلدىڭ ەكٸنشٸ جارتىسىندا نۇر-سۇلتاندا ٶتكٸزۋگە كەلٸستٸك», - دەلٸنگەن قر سىرتقى ٸستەر مينيسترٸنٸڭ ورىنباسارى ەدٸل تۇرسىنوۆ جارييا ەتكەن بٸرلەسكەن مەلٸمدەمەدە.
سونىمەن قورىتىندى قۇجاتتا كەپٸلگەر ەلدەر استانا فورماتىندا مينيسترلەردٸڭ كەلەسٸ كەزدەسۋٸن ۇيىمداستىرۋ نيەتتەرٸن راستادى.
«بٸز 2020 جىلدىڭ 1 شٸلدەسٸندەگٸ سامميتتٸڭ قورىتىندى مەلٸمدەمەسٸندە بەكٸتٸلگەن كەلەسٸ ٷشجاقتى سامميتتٸ شارتتار رۇقسات ەتٸلگەن كەزدە تەز ارادا يران يسلام رەسپۋبليكاسىندا ٶتكٸزۋ تۋرالى كەلٸسٸمدٸ تاعى دا اتاپ ٶتتٸك», - دەدٸ كەپٸلگەر ەلدەر.
