Siriia úkimeti BUU-nyń Alepponyń shyǵys bóligine soǵysty toqtatyp, beibitshilik ornatý úshin avtonomiia berý týraly usynysynan bas tartty. 2012 jyldan bastap qala eki bólikke bólingen - úkimet batys bóligin bilese, oppozitsiia shyǵys bóligine baqylaý jasaidy.
Assoshieited press agenttiginiń habarlaýynsha, Siriianyń syrtqy ister ministri Valid Mýallem Alepponyń shyǵys bóliginen oppozitsiia tolyq shyǵarylǵannan keiin memlekettik institýttar qaita qalpyna kelýge tiis dep málimdegen. BUU-nyń Siriia jónindegi arnaiy elshisi Staffan de Mistýramen kezdesýden keiin sóilegen sózinde Mýalllem úkimet Alepponyń shyǵysyna shabýyldy báseńdetý jóninde eshnárse aitpaǵan. Mýallem Siriia Alepponyń shyǵysyndaǵy alty myń sodyr úshin 275 myń adamdy kepil retinde qaldyrmaidy degen.
"Biz Alepponyń shyǵysynan beibit turǵyndar soǵystan zardap shegýdi toqtatý úshin terrorister ol aimaqtan shyǵý qajet dep kelistik", - deidi ol.
Dúniejúzilik densaýlyq saqtaý uiymynyń ókili Elizabet Hoff sońǵy bes kúnde úkimettiń Alepponyń shyǵysyna shabýyldaýy saldarynan barlyq meditsinalyq mekemeler qirap qaldy dep habarlady.
Siriianyń quqyq qorǵaýshylary 15 qarashadan beri júzdegen beibit turǵynnyń qaza tapqanyn, 20 qarashadan beri zymyran oǵynan jeti balanyń kóz jumǵanyn aitady.
Eskertý!
Baq.kz saitynda jariialanǵan avtorlyq materialdardyń barlyq quqyqtary qorǵalǵan jáne aqparat agenttiginiń menshigi bolyp tabylady. Kóshirip basý redaktsiianyń ruqsatymen júzege asady. Materialdy kóshirip basý kezinde Baq.kz saityna tóte silteme kórsetý talap etiledi.
