Sinoptikterdiń boljaýynsha, Ózbekstanda aldaǵy birneshe aptada mi qainatar ystyqtyń beti qaitpaidy, dep habarlady Ýzgidromet.
Shilde meteobaqylaý tarihyndaǵy eń ystyq ai retinde rekord ornatýy múmkin, dep jazdy Sputnik Ózbekstan.
Alǵashqy onkúndikte aýa temperatýrasy ortasha kópjyldyq mánnen 5 gradýsqa, al ekinshi onkúndikte 5-7 gradýsqa joǵary bolyp tur.
Rekordtar arasynda: Samarqan – 39,9 gradýs, Núkis – 42,8 gradýs, Syrdariia – 42,1 gradýs, Navoi 42,6 gradýs ystyq.
Aldaǵy aptalarda túnde shamamen 29 gradýsqa deiin, al kúndiz 40-45 gradýsqa deiin ystyq bolady.
Aptap ystyq respýblikadaǵy poiyzdar qozǵalysyna áser etip jatyr: shilde aiynyń basynda Samarqan-Buhara jáne Buhara-Hiýa baǵyttarynda jyldamdyq shekteldi.
Aita keteiik, Qazgidromet Túrkistan jáne Qyzylorda oblystarynda, sondai-aq Shymkentte dabyldy eskertý jariialaǵan bolatyn.
Boljamǵa sáikes, 17-19 shildede Túrkistan oblysynyń basym aýmaǵynda kún 43 gradýsqa, kei jerlerde 45 gradýsqa deiin ysidy. Al Shymkentte +40-42 gradýs aptap ystyq bolady.
17-19 shildede Qyzylorda oblysynda da 40-45 gradýs ystyq bolady dep boljanyp otyr.
