سينوپتيكتەردٸڭ بولجاۋىنشا, ٶزبەكستاندا الداعى بٸرنەشە اپتادا مي قايناتار ىستىقتىڭ بەتٸ قايتپايدى, دەپ حابارلادى ۋزگيدرومەت.
شٸلدە مەتەوباقىلاۋ تاريحىنداعى ەڭ ىستىق اي رەتٸندە رەكورد ورناتۋى مٷمكٸن, دەپ جازدى Sputnik ٶزبەكستان.
العاشقى ونكٷندٸكتە اۋا تەمپەراتۋراسى ورتاشا كٶپجىلدىق مەننەن 5 گرادۋسقا, ال ەكٸنشٸ ونكٷندٸكتە 5-7 گرادۋسقا جوعارى بولىپ تۇر.
رەكوردتار اراسىندا: سامارقان – 39,9 گرادۋس, نٷكٸس – 42,8 گرادۋس, سىردارييا – 42,1 گرادۋس, ناۆوي 42,6 گرادۋس ىستىق.
الداعى اپتالاردا تٷندە شامامەن 29 گرادۋسقا دەيٸن, ال كٷندٸز 40-45 گرادۋسقا دەيٸن ىستىق بولادى.
اپتاپ ىستىق رەسپۋبليكاداعى پويىزدار قوزعالىسىنا ەسەر ەتٸپ جاتىر: شٸلدە ايىنىڭ باسىندا سامارقان-بۇحارا جەنە بۇحارا-حيۋا باعىتتارىندا جىلدامدىق شەكتەلدٸ.
ايتا كەتەيٸك, قازگيدرومەت تٷركٸستان جەنە قىزىلوردا وبلىستارىندا, سونداي-اق شىمكەنتتە دابىلدى ەسكەرتۋ جارييالاعان بولاتىن.
بولجامعا سەيكەس, 17-19 شٸلدەدە تٷركٸستان وبلىسىنىڭ باسىم اۋماعىندا كٷن 43 گرادۋسقا, كەي جەرلەردە 45 گرادۋسقا دەيٸن ىسيدى. ال شىمكەنتتە +40-42 گرادۋس اپتاپ ىستىق بولادى.
17-19 شٸلدەدە قىزىلوردا وبلىسىندا دا 40-45 گرادۋس ىستىق بولادى دەپ بولجانىپ وتىر.
