Qyrkúiektiń 8-i kúni Qazaqstannyń basym bóligi ádetinshe, aýqymdy antitsiklonnyń yqpalynda bolady. Osyǵan qarai Qazaqstannyń edáýir bóliginde kún ashyq. Tek eldiń soltústiginde, ortalyǵy men shyǵysynda jaýyn jaýýy yqtimal.
«Qazgidromet» RMK-nyń málimetteri boiynsha, kei jerlerde jel turyp, ońtústikte shańdy daýyl kóteriledi. Túnde jáne tań ata tuman túsedi.
Jambyl oblysynyń kei jerlerinde jel sekýndyna 15-20 metr jyldamdyqpen soǵady, kúndiz ekpini 23 metrge jetýi múmkin. Jeldiń sońy shańdy daýylǵa ulasýy yqtimal.
Soltústik Qazaqstan, Shyǵys Qazaqstan oblystarynda jeldiń jyldamdyǵy sekýndyna 15-20 bolady, túnde jáne tań ata birqatar aimaqtarda tuman túsedi.
Qyzylorda oblysynyń kei jerlerinde tań ata jáne kúndiz jeldiń jyldamdyǵy sekýndyna 15-20 metrge jetedi jáne arty shańdy daýylǵa ulasýy yqtimal.
Mańǵystaý, kúndiz Túrkistan oblysynda jeldiń jyldamdyǵy sekýndyna 15-20 metrge jetedi. Qostanai oblysynda, túnde jáne tań ata Aqmola, Pavlodar, Qaraǵandy oblystarynda tuman túsýi yqtimal.
Qyzylorda, Túrkistan, Jambyl, Mańǵystaý oblystary men Atyraý, Batys Qazaqstan, Aqtóbe jáne Qaraǵandy oblystarynyń kei jerlerinde órt qaýpi saqtalady.
