Qyrkúiekte jańbyr jaýyp, ekpindi jel soǵyp jáne aýa temperatýrasy jii ózgeredi. Sinoptikter Qazaqstanda kúzde aýa raiy qandai bolatynyn aitty, dep habarlaidy "Ult aqparat" "Qazgidromet" RMK baspasóz qyzmetine silteme jasap.
Meteorologtardyń málimetinshe, qyrkúiektiń birinshi onkúndiginde kún jyly bolyp, jaýyn-shashyn az túsedi. Sodan keiin atmosferalyq fronttardyń jii ózgerýi respýblikanyń basym bóliginde turaqsyz aýa-raiyna alyp keledi.
Qyrkúiekte jańbyr jaýyp, ekpindi jel soǵyp jáne aýa temperatýrasynyń jii ózgerýi kútiledi, al soltústik aimaqtarda túnde 1-7°C deiin úsik bolýy múmkin.
Ońtústik óńirlerde joǵary qysymdy aimaqtyń áserinen jaýyn-shashyn normadan az bolady dep boljandy. Temperatýra fony salystyrmaly túrde jyly bolyp qalady.
Alaida ai boiy aýa temperatýrasy: túnde + 15 +23°S-tan +3 +10°S-qa deiin, al kúndiz+25 +35°S-tan +15 + 23°S-qa deiin birtindep tómendeidi.
Qyrkúiek aiynda aýa temperatýrasy respýblikanyń basym bóliginde normadan 1° joǵary bolady. Batysta, elimizdiń qiyr shyǵysyndaǵy jáne ońtústik-shyǵysyndaǵy taýly aimaqtarda norma shamasynda boljandy.
Qyrkúiek aiynda jaýyn-shashyn mólsheri respýblikanyń basym bóliginde norma shamasynda jáne normadan kóp dep boljansa, eldiń ońtústik aimaqtarynda normadan az bolady deidi mamandar.
Qazan jáne qarasha ailarynda kún salqyndap kúzden qysqa birtindep aýysý baiqaldy. Jalpy alǵanda, respýblikanyń basym bóliginde aýa temperatýrasy aldaǵy jyldarmen salystyrǵanda ádettegiden tómen bolady, al jaýyn-shashyn mólsheri elimizdiń basym bóliginde norma shamasynda jáne normadan kóp bolady dep boljanǵan.
Tek elimizdiń ońtústik-batysy men ortalyǵynda, jaýyn-shashyn normadan az bolýy yqtimal.
