«Qazgidromet» RMK aýa raiynyń buzylýyna bailanysty birneshe óńirde eskertý jariialady, dep habarlaidy "Ult aqparat".
Atap aitqanda, 28-29 qańtarda Soltústik Qazaqstan oblysynyń kei jerlerinde tuman kútiledi. 28 qańtarda kúndiz, 29 qańtarda táýlik boiy ońtústik-batystan jel soǵady, kei jerlerde onyń kúshi 15-20 m/s artady.
28-29 qańtarda Qaraǵandy oblysynyń kei jerlerinde tuman kútiledi.
28 qańtarda Aqmola oblysynyń kei jerlerinde tuman, kóktaiǵaq boljanady. Ońtústik-batystan jel soǵyp, onyń ekpini 15-20 m/s kúsheiedi.
28 qańtarda Qostanai oblysynyń kei jerlerinde tuman bolady.
28 qańtarda Batys Qazaqstan oblysynyń kei jerlerinde tuman kútiledi. Ońtústik-shyǵystan jel soǵady, kúshi kúndiz 15-20 m/s artady.
28 qańtarda Mańǵystaý oblysynyń kei jerlerinde shańdy daýyl turady. Ońtústik-shyǵystan soǵatyn jeldiń kúshi 18-23 m/s jetýi yqtimal.
