Aýa raiynyń buzylýyna bailanysty birneshe óńirde eskertý jariialandy, dep habarlaidy "Ult aqparat".
Sinoptikterdiń boljamynsha, 7-8 sáýir aralyǵynda Soltústik Qazaqstan oblysynda qar aralas jańbyr jaýady.
«Qazgidromet» RMK SQOF direktory Qymbat Merǵalimovanyń aitýynsha, tsiklon Salehard óńirinen (RF) kelgen. Kún sýytyp, búgin túnde aýa temperatýrasy 0 men - 8 gradýs aralyǵynda bolady. Jaýynnyń sońy qarǵa ulasýy múmkin. Oblystyń Aiyrtaý, Ǵ. Músirepov, Timiriazev, Shal aqyn, Jambyl, Qyzyljar aýdandarynda jaýyn-shashyn qalyptan artyq jaýyp, jeldiń ekpini sekýndyna 30 metrge deiin jetpek. Al 10 sáýirden bastap kún jylyna bastaidy, bul kúni aýa temperatýrasy +12 gradýsty kórsetedi.
Qyzylorda oblysynyń kei jerlerinde 8 sáýirde tańerteń jáne kúndiz -9 sáýirde táýlik ishinde jaýyn-shashyn (jańbyr, qar), tuman, naizaǵai, shańdy daýyl kútiledi. Jel soltústik-batystan, batystan soǵady, kúshi kei jerlerde 15-20 m/s artady. 9-10 sáýirde túnde aýa temperatýrasy 0-5 gradýsqa deiin kúrt tómendeidi, ońtústikte termometr +3 gradýsty kórsetedi.
8-9 sáýirde Jambyl oblysynyń taýly aimaqtarynda qatty jaýyn-shashyn (jańbyr, qar), tuman boljanady. Soltústik-batystan soǵatyn jeldiń kúshi 15-20 m/s artady. 9-10 sáýirde túnde aýa temperatýrasy 0-5 gradýsqa tómendeidi.
8-9 sáýirde túnde jáne tańerteń Túrkistan oblysynyń kei jerlerinde qatty jaýyn-shashyn (jańbyr, qar), tuman bolady. Soltústik-batystan soǵatyn jeldiń kúshi 15-20 m/s, 8 naýryzda túnde ekpini 25 m/s artady. 9-10 sáýirde túnde aýa temperatýrasy 0-5 gradýsqa deiin tómendeidi.
Shymkent qalasynda 8 sáýirde táýlik boiy, 9 sáýirde túnde jáne tańerteń qatty jaýyn-shashyn (jańbyr, qar) boljanady. Soltústik-batystan soǵatyn jeldiń kúshi 15-20 m/s jetedi. 9-10 sáýirde túnde aýa temperatýrasy 0-2 gradýs aiazǵa deiin kúrt tómendeidi.
8 sáýirde Aqmola oblysynyń kei jerlerinde tuman, jaiaý burqasyn, kóktaiǵaq kútiledi. Ońtústik-batystan jel soǵady, ekpini 23-28 m/s kúsheiedi.
Eske salaiyq, aýa raiynyń buzylýyna bailanysty Qazaqstannyń birqatar óńirinde avtojoldar jabyldy.
