Foto ©️ Tengrinews.kz / Alihan Sariev
Jeltoqsanda qoiýlanyp, qalany basyp turatyn kók tuman seiiledi. Bul týraly sinoptikter aityp berdi, – dep habarlaidy Ult.kz Almaty.tv málimetine silteme jasap.
Telearna málimetinshe, jańbyrly kúnderi megapolisti jailap turatyn kók tútindi kókten quiylǵan tamshylar tazartyp, tabiǵi súzgige ainalady. Aýadaǵy kórinbeitin shań-tozań men usaq ziiandy bólshekterdi jańbyr jerge qarai túsirip, kókjiekti ashady.
Ekologtardyń aitýynsha, jańbyrdan keiin nebári birneshe saǵattyń ishinde aýanyń lastaný kórsetkishi 80 paiyz tómendeidi. Ásirese PM2.5 siiaqty qaýipti bólshekter aitarlyqtai azaiady. Bul – qala tynysyn keńeitetin negizgi faktor.
"Aýadaǵy lastaýshy zattardyń taralýyna, seiilýine meteojaǵdaidyń áseri kóp. Biyl jaýyn-shashyn óte az boldy. Sonyń kesirinen ózenderdiń de, atmosferanyń da lastanýy kúsheidi. Jaýyn jaýmaǵandyqtan ziiandy aýa qaldyqtary turyp qalady. Biyl jel de sirek, al jeldiń bolmaýy ekologiialyq jaǵdaidy qiyndatyp, aýanyń sapasyn edáýir nasharlatty. Qazir meteojaǵdai ózgerip jatyr", – dedi Qazaqstan ekologiialyq aýditorlar palatasy oqý ortalyǵynyń direktory Raidin Qasymov.
Almatyda aldaǵy kúnderi aýa raiy qubylmaly bolady. Jańbyr aralas qar jaýyp, temperatýra túnde minýsqa túsip, kúndiz qaita jylynyp otyrady. Qazir óńirdi kesip ótetin tsiklondar men jeldiń kúsheiýi atmosferadaǵy las bólshekterdiń tez joiylýyna yqpal etip jatyr. Máselen, 10 jeltoqsanda soltústik-batystan soǵatyn daýyldy jel men sýly qar qalany taǵy bir márte tazartyp ótedi.
