Sinoptikter 4-6 shilde aralyǵyndaǵy aýa raiy boljamyn jariialady, dep habarlaidy "Ult aqparat" «Qazgidromet» RMK silteme jasap.
Qazaqstannyń batysy men soltústiginiń kei jerlerinde nóser jańbyr jaýǵyzǵan biiktegi tsiklon Batys Sibirge baiaý jyljyp, tolyǵady. Troposferalyq aǵyndar endikke aýysa bastaidy, iaǵni aýa massalary Atlantikadan keledi. Sondyqtan, soltústik oblystarda áli de biraz ýaqyt jańbyr jaýady. Al respýblikanyń ońtústik oblystary joǵary atmosferalyq qysymnyń áserinde bolady.
Soltústik oblystarda ortasha kópjyldyq mánge jýyq aýa temperatýrasymen jyly aýa raiy kútiledi. Ońtústik oblystarda aýa temperatýrasy klimattyq normadan joǵary dep boljanǵanymen, 40 gradýstyq ystyq bolmaidy.
