Qazgidromet aldaǵy úsh kúnge aýa raiy boljamyn jariialady.
"Qazan aiy aiaqtalǵan soń, kún de salqyndaidy. Atlantikadan jyly jáne ylǵal aýany ákelgen batystyq troposferalyq aǵymdar soltústik-batysqa qarai aýysa bastaidy", - dep habarlady sinoptikter.
Sondyqtan qazan aiynyń sońǵy kúnderi Qazaqstanda batys, soltústik oblystarda jańbyrdyń arty qarǵa ulasady. Buǵan qosa, temperatýra klimattyq normaǵa deiin tómendeidi.
Dabyldy eskertý jariialandy
Qazgidromet birqatar óńirde daýyldy eskertý jariialady.
29 qazanda Aqmola oblysynda ońtústik-batystan jel soǵady. Kúndiz jáne túnde basym bólikte 15-20 m/s, kei jerlerde 23-28 m/s deiin jel kúsheiedi. Al Kókshetaý qalasynda erteń ońtústik-batystan jel soǵady. Onyń ekpini 15-20 m/s bolady dep kútilýde.
29 qazan kúni Qostanai oblysynyń kei jerlerinde tuman túsedi. Ońtústik-batystan soǵatyn jel soltústik-batysqa aýysady, kúshi 15-20 m/s, túnde kei jerlerde 23-28 m/s jetedi. Qostanai qalasynda da kúshi 15-20 m/s jel soǵady.
Erteń Shyǵys Qazaqstan oblysynda ońtústik-batystan jel soǵyp, kei jerlerde onyń ekpini 15-20 jáne 25 m/s jetedi. Óskemen men Semei qalalarynda kúshi 15-20 m/s jel turýy yqtimal.
Al Soltústik Qazaqstan oblysynda, Petropavl qalasynda ońtústik-batystan jáne batystan jel soǵady, onyń kúshi 15-20, ekpini 23-28 m/s kúsheiedi dep kútilýde.
Iri qalalardaǵy aýa raiy
29 qazan astanada kún ashyq bolady. Túnde aýa temperatýrasy +10, kúndiz +13 gradýs. Almatyda kún ashyq, túnde +11, kúndiz +16 gradýs. Shymkentte kún jyly, túnde +9 gradýs bolsa, kúndiz aýa temperatýrasy +22 gradýsqa deiin kóteriledi.
30 qazanda elordada kún ashyq bolady. Aýa temperatýrasy túnde +7, kúndiz +14 gradýsqa deiin joǵarylaidy. Almatyda kún ashyq, túnde aýa temperatýrasy +9, kúndiz +16 gradýsqa deiin joǵarylaidy. Shymkentte jańbyr jaýady, túnde +10 gradýs, kúndiz +15 gradýs.
31 qazanda Nur-Sultanda kún ala bultty, aýa temperatýrasy túnde +5, kúndiz +11 gradýs. Almatyda kún ashyq, aýa temperatýrasy túnde +13, kúndiz +18 gradýs bolady. Shymkentte kún jaýyn-shashyndy bolady, túnde +15, kúndiz +21 gradýs nólden joǵary.
