«Qazgidromet» RMK Astana men elimizdiń ózge 8 óńirinde eskertý jariialady, dep habarlaidy "Ult aqparat".
Atap aitqanda, 22 qarasha kúni Aqmola oblysynyń kei jerlerinde tuman, kóktaiǵaq, burqasyn kútiledi. Ońtústik-batystan 15-20 m/s jyldamdyqpen soǵatyn jeldiń ekpini kei jerlerde 25 m/s artady.
23-24 qarashada kei jerlerde burqasyn bolady. Ońtústik-batystan soǵatyn jel soltústik-batysqa aýysyp, ekpini 25 m/s jetedi.
22 qarashada Astana qalasynda tuman, kóktaiǵaq bolýy yqtimal. 23-24 qarashada burqasyn kútiledi. 22 qarasha tańerteń jáne kúndiz, 23-24 qarashada kúnderi ońtústik-batystan soǵatyn jeldiń ekpini 15-20 m/s kúsheiedi.
24 qarasha kúni Qyzylorda men Jambyl oblystarynda, 24 qarasha kúni kúndiz Túrkistan, Qaraǵandy, Shyǵys Qazaqstan, Pavlodar jáne Almaty oblystarynda jaýyn-shashyn kútiledi. Kei jerlerde tuman, kóktaiǵaq, burqasyn boljanady. Ońtústik-batystan soǵatyn jeldiń kúshi 23-28 m/s, jekelegen aýmaqtarda 30 m/s deiin artady.
