«Qazgidromet» RMK 23 tamy kúni aýa raiynyń buzylýyna bailanysty birneshe óńirde eskertý jariialady, dep habarlaidy "Ult aqparat".
Atap aitqanda, Soltústik Qazaqstan oblysynyń kei jerlerinde naizaǵai, daýyl, burshaq kútiledi. Túnde jáne tańerteń tuman boljanady. Batystan, soltústik-batystan jel soǵady, kúndiz onyń ekpini 15-20 m/s artady.
Qaraǵandy oblysynda túnde kei jerlerinde naizaǵai boljanady. Túnde jáne tańerteń jekelegen aýmaqtardy tuman basady. Ońtústik-batystan, batystan jel soǵyp, onyń kúshi 15-20 m/s kúsheiedi. Oblystyń ońtústik-batysynda óte joǵary órt qaýpi saqtalady.
Qyzylorda oblysynyń kei jerlerinde naizaǵai, shańdy daýyl kútiledi. Shyǵystan, soltústik-shyǵystan jel soǵady, jyldamdyǵy 15-20 m/s jetedi. Kúndiz tótenshe órt qaýpi saqtalady.
Túrkistan oblysynyń kei jerlerinde kúndiz ońtústik-batystan soǵatyn jeldiń kúshi 15-20 m/s artady. Kei jerlerde tótenshe órt qaýpi saqtalady.
Shymkent qalasynda kúndiz ońtústik-batystan ekpini 15-20 m/s jeldiń kúsheiýi kútiledi.
Qostanai oblysynyń kei jerlerinde tańerteń jáne kúndiz naizaǵai, daýyl, burshaq kútiledi. Soltústik-batystan jel soǵyp, ekpini 15-20 m/s artady.
Aqmola oblysynyń kei jerlerinde naizaǵai, túnde jáne tańerteń tuman boljanady. Soltústik-batystan, batystan jel soǵady, kúndiz kúshi 15-20 m/s quraidy.
