Qaraǵandynyń sinhronshylary ártistik júzýden álemdik seriianyń úshinshi kezeńi ótken Tatarstannyń Qazan qalasynda úzdik nátijeler kórsetti. Jarysqa 12 eldiń sportshylary qatysty, dep habarlaidy "Ult aqparat".
Tehnikalyq baǵdarlamada Karolina Ivanova men Viktor Drýzinniń aralas dýeti úshinshi orynǵa ie boldy. Ekaterina Simonova, Elena Krylova, Nargiz Bolatova, Kseniia Makarova, Eteri Kakýtia jáne Arina Miasnikovadan quralǵan áielder komandasy qola júlde jeńip aldy. Al «hailait» jańa baǵdarlamada qyzdar sol qurammen «altyn» jeńip aldy.
Barlyq sportshylar «Oblystyq olimpiadalyq rezervtiń mamandandyrylǵan júzý sport mektebi» KMQK-nyń tárbielenýshileri, Viktor Drýzin – Á. Moldaǵulova atyndaǵy OMORMIK oqýshysy.
Aita ketý kerek, «hailait» - jańa distsiplina, 2017 jyly FINA tehnikalyq kongresiniń sheshimi boiynsha álem chempionattarynda sinhrondy júzýden jarystar baǵdarlamasyna engizilgen. Shyn máninde, bul – sý akrobatikasy. Alǵash ret hailaiterler 1984 jyly kórsetildi, al Eýropa kýbogy jarystaryna 2012 jyldan bastap qosyldy.
