Denge bezgeginen bolǵan ólim deńgeiiniń tarihtaǵy eń joǵary kórsetkishi Singapýrda tirkeldi, dep habarlaidy "Ult aqparat".
The Straits Times basylymynyń jazýynsha, jyl basynan beri 28 adam kóz jumǵan.
Budan bólek, biyl qalada tropikalyq bezgek aýrýyn juqtyrýdyń eń joǵary kórsetkishi anyqtaldy. 31 myńnan astam adam tropikalyq bezgek juqtyrǵan.
Turaqty damý jáne qorshaǵan ortany qorǵaý memlekettik ministri Desmond Lidiń aitýynsha, «aýrýdyń sharyqtaý shegi shilde aiynda boldy. Ol kezde aptasyna keminde 1,7 myń bezgek juqtyrý oqiǵasy tirkelgen».
Ministrdiń aitýynsha, «qazir bul kórsetkish aptasyna orta eseppen 500 jaǵdaiǵa deiin tómendedi».
Denge – bul tropikalyq jáne sýbtropikalyq aimaqtarda basym bolatyn virýstyq infektsiia. Onyń belgileri - dene qyzýynyń kóterilýi, júrek ainý, bórtpe, bas jáne bel aýrýy.
