Foto: QR SIM
Qajylyqqa barǵan júzdegen qazaqstandyqty politsiia ustady. Syrtqy ister ministrligi oqiǵanyń mán-jaiyn jariialady, dep habarlaidy Sputnik Qazaqstan.
Jidda qalasyna barǵan qazaqstandyqtar bas konsýlǵa habarlasyp, politsiiada otyrǵanyn jetkizgen.
Ministrliktiń resmi ókili Aibek Smadiiarovtyń aitýynsha, ustalǵan jerlesterimizdiń qolynda qajylyqqa ruqsat beretin viza bolmaǵan. Barlyǵy bir kompaniiaǵa aldanyp, týristik vizamen barǵan. Onymen qajylyq jasaýǵa bolmaidy.
"Bas konsýl óz áriptesterimen birge politsiia ýchaskesine baryp, qazaqstandyqtardy qonaq úige bosatýǵa yqpal etken. Keibir málimetterge sáikes, ol kompaniia Saýd Arabiiasyna 300-den astam qazaqstandyqty týristik vizamen alyp kelgen. Politsiiada júzden astam adam boldy", - dedi Smadiiarov búgingi brifingte.
Onyń sózine qaraǵanda, qazaqstandyqtardy politsiia ýchaskesinen birneshe avtobýspen qonaq úige alyp barǵan. Túsindirý jumystarynan keiin bir bóligi zańǵa baǵynyp, qajylyqty toqtatýǵa kelisken. Tipti, óz aqshasyna qaityp ketkender bar. Alaida zańǵa baǵynbaityndar da tabylǵan. Olar politsiiadan shyqqannan keiin avtobýsty toqtatyp, belgisiz baǵytta ketip qalǵan.
"Biz olardyń qaida júrgenin bilmeimiz. Qajylyqty jalǵastyryp jatqan shyǵar", - dep atap ótti Smadiiarov.
Týristik kompaniianyń basshysy da Saýd Arabiiasynda júr. Olar 7-8 maýsymǵa deiin 306 adamdy elge qaitarýdy josparlap otyr.
