Foto: Global Look Press/Yoshio Tsunoda
Syrtqy ister ministrligi Toyota, Kia, Hyundai jáne JAC kólikteri óndirisin ashý máselesine qatysty pikir bildirdi, - dep habarlaidy Tengrinews.kz portaly.
"Toyota bir kezderi Qazaqstanda avtokólik shyǵarýǵa tyrysty, biraq naryq bul kólikterdi shyǵarý qunyn qabyldamady. Qazir, ásirese, Qazaqstanda basqa da avtokólik markalary – Kia, Hyundai damyp kele jatqanyn eskersek, Qytaidyń avtoónerkásibi óte belsendi, Toyota Qazaqstanda básekege qabiletti bola almaidy dep oilaimyn", - dedi syrtqy ister ministriniń orynbasary Almas Aidarov OKQ ótken brifingte.
Onyń aitýynsha, Qazaqstanda Toyota kóligin shyǵarý quny basqa eldermen salystyrǵanda áldeqaida joǵary.
"Bul bizdiń naryq úshin básekege tótep bere almaidy. (...) Olardyń Reseide de osyndai zaýyttary bolǵan jáne osy ýaqytqa deiin Toyota-nyń barlyq jetkizilimderi reseilik avtoónerkásipterden jasalǵan. Toyota Reseidegi óndirisin áli tolyǵymen toqtatqan joq, qoimalarda bar, sondyqtan jetkizilim sol jaqtan keledi", - dedi Aidarov.
Qazaqstan syrtqy ister ministriniń orynbasary Toyota kompaniiasymen Qazaqstanda óndiris týraly kelissóz júrgizýdiń máni joq dep esepteidi.
"Qazir Kia, Hyundai, JAC jáne basqalarymen jaqsy kelissózder júrgizip jatyrmyz. Bizde naryqqa jetkilikti kólem bar. Brendtiń kelýi biz úshin árqashan basymdylyq emes nemese biz úshin tiimdi", - dep túiindedi ol.
