© pixabay.com
Syrtqy ister ministrliginiń resmi ókili Shengen vizasyn alýda qazaqstandyqtar úshin jańa erejelerdiń engizilýine sebep bolýy múmkin jaǵdaidy atady, - dep habarlaidy Tengritravel.kz.
Qazaqstan SIM baspasóz hatshysy Aibek Smadiiarovtyń sózinshe, qazaqstandyq azamattardyń zańbuzýshylyqtary jańa erejeler engizýge sebep bolýy múmkin.
"Keibir bizdiń azamattar, Shengen aýmaǵyna kiretin elderde bolyp, avtokólikti jalǵa alyp, aiyppul tólemei, sol elden shyǵyp ketedi. Árine, bul jaǵdaidy ýshyqtyrady. Basqa da zańbuzýshylyqtar bolýy ábden múmkin. Basqa elge barǵanda onyń erejeleri men zańdaryn qatań saqtaý kerek. Stýdentter kredit alyp, tólemei, qaityp ketip jatady", - deidi ol.
Osyǵan deiin 1 naýryzdan bastap Shengen vizasyn alý úshin qazaqstandyqtarǵa qosymsha keńester alý kerek bolatyny aitylǵan edi.
